പ്രിയമാണവളെ [നൗഫു] 3807

“പടച്ചോനെ ഇവളുടെ കാര്യത്തിന് ആണല്ലോ.. ഞാനന്ന് കഷ്ടപ്പെട്ട് സമ്മതം വാങ്ങി കൊടുത്തത്.. ഒരു ആവശ്യവും ഇല്ലായിരുന്നു.. ”

ഉപ്പ അടുത്ത് ഉള്ളത് കൊണ്ട് മനസിൽ തന്നെ ആയിരുന്നു പറഞ്ഞത്..

“ആ.. മതി മതി.. ഏതായാലും എന്റെ മോന്ക് ഇഷ്ട്ടപെട്ട പെണ്ണിനെ തന്നെ അല്ലെ നമ്മൾ ആദ്യമായി പോയി കണ്ടത്.. ഇനി അവർ വിവരം തരട്ടെ..”

ഉപ്പ ഒരു ഫൈനൽ വിസിൽ പോലെ പറഞ്ഞു.. എല്ലാവരെയും പിരിച്ചു വിട്ടു..

❤❤❤

“ആ.. ആ… ആ… ആ….ആ…”

പാത്തു കരയുന്ന ശബ്ദമാണ് റൂമിനുള്ളിൽ നിന്നും കേൾക്കുന്നത്.. പാൽ കുടിക്കുന്ന പ്രായമല്ലേ.. ചുരുങ്ങിയത് ഒരു അഞ്ചു പ്രാവശ്യമെങ്കിലും അവൾ എഴുന്നേൽക്കാറുണ്ട് രാത്രിയിൽ…

ഞാൻ എഴുന്നേറ്റിലേൽ കുഞ്ഞി വിരലുകളിലുള്ള നഖം കൊണ്ട് മുഖത് മാന്തി എഴുന്നേൽപ്പിക്കും…

പെട്ടന്ന് തന്നെ ബാൽക്കണിയിൽ നിന്നും റൂമിലേക്കു നടന്നു…

“ഉപ്പച്ചി മോളൂസേ.. ”

ലൈറ്റ് ഇട്ട് കൊണ്ട് റൂമിലേക്കു കയറിയപ്പോൾ ബെഡിൽ ഇരുന്നു കൊണ്ട് കരയുകയാണ് അവൾ..

എന്നെ കണ്ട ഉടനെ തന്നെ അവൾ സ്വിച്ച് ഇട്ട പോലെ കരച്ചിൽ നിർത്തി…