പ്രിയമാണവളെ [നൗഫു] 3807

അതും കൂടേ കേട്ടപ്പോൾ ഞാൻ അവളുടെ അടുത്തേക് കുറച് നീങ്ങി നിന്നു..

“എനിക്ക് ഒരു ആഗ്രഹമുണ്ട് കെട്ടികഴിഞ്ഞാലും പഠിക്കാൻ പോകണം.. സ്വന്തമായി ഒരു ജോലി സമ്പാദിക്കണം.. ഏതേലും ചാനലിൽ റിപ്പോർട്ടർ ആകണം.. അതിന് സമ്മതം തരണം…”

എനിക്ക് സമ്മതക്കുറവൊന്നും ഇല്ല.. പക്ഷെ എനിക്കെന്തു യോഗ്യത സാനിയെ കെട്ടാൻ … ആകെ പറയാൻ ഉള്ളത് തറവാട് വകയായി ഉള്ള സ്വത്തു വകകൾ മാത്രം… എന്നെ ഇഷ്ട്ടപെട്ടിട്ട് തന്നെയാണോ ഈ വാക്കുകൾ സാനിയയിൽ നിന്നും വന്നത്…എന്റെ മനസ്സിൽ ഒരുപാട് ചിന്തകൾ കയറി ഇറങ്ങി..

എന്നാലും അവൾക് ഇഷ്ട്ടമില്ലാതെ മോഹങ്ങളും ആഗ്രഹങ്ങളും,.. എന്നെ വിവാഹത്തിന്റെ അന്ന് കണ്ടതൊന്നും പറയില്ലല്ലോ.. എന്റെ മനസിനെ ഞാൻ തന്നെ സമാധാനപ്പെടുത്തി അവിടെ നിന്നും ഇറങ്ങി..

❤❤❤

എന്നാലും കല്യാണം കഴിഞ്ഞ സമയത്തു വെറുതെ ഒന്ന് പോയി നോക്കാമായിരുന്നു..

സജീർ എന്നെ വീടിന് മുന്നിൽ വിട്ട് യാത്ര പറഞ്ഞു വീട്ടിലേക് നടക്കുമ്പോൾ എന്റെ ചിന്ത മുഴുവൻ അതായിരുന്നു..

ഛെ.. പ്രേമിച്ചു നടക്കാനുള്ള ചാൻസ് മിസ്സായി.. ഓ… എന്തൊക്കെ ചെയ്യാമായിരുന്നു.. ആലോചിച്ചപ്പോൾ എന്തോക്കെയോ കുളിരു കോരി കയ്യിലെ രോമങ്ങൾ മുഴുവൻ എഴുന്നേറ്റ് നിൽക്കുവാൻ തുടങ്ങി…