പ്രിയമാണവളെ [നൗഫു] 3807

ഉമ്മ പെട്ടന്ന് തന്നെ റൂമിലേക്കു കയറി അവളെ കെട്ടിപിടിച്ചു എന്നോട് പറഞ്ഞു… തൊട്ടു പുറകിലായി ഉപ്പയും കയറി വന്നു..

ഉമ്മയും കുറച്ചു ദിവസങ്ങൾക് മുന്നേ തന്നെ അറിഞ്ഞിട്ടുണ്ട്.. അവളെ ഒന്ന് വട്ട് പിടിപ്പിക്കുവാനായി പറഞ്ഞു എന്ന് മാത്രം.. കൂട്ടിനു മുജീബും നിന്നു തന്നു…

അവൾ പെട്ടന്ന് തന്നെ ഉപ്പയെ കെട്ടിപിടിച്ചു കരയാൻ തുടങ്ങി…

“ഉപ്പ.. പറ്റിപ്പോയി.. മനസ്സിന്നു ഒഴിവാക്കാൻ പറ്റാഞ്ഞിട്ടാ..”

തസ്‌നി കരഞ്ഞു കൊണ്ട് പറഞ്ഞു…

“അതിന് എന്റെ പൊന്നുനോട്‌ ഉപ്പ എന്തേലും പറഞ്ഞോ.. മോളുടെ ഇഷ്ടം തന്നെ അല്ലെ ഉപ്പാക്കും.. നമുക്ക് ഇത് തന്നെ നടത്താട്ടോ..…”

ഉപ്പ പതിയെ അവളുടെ മുടിയിൽ തലോടി കൊണ്ട് പറഞ്ഞു…

പിന്നെ ഒരു മാസം കൊണ്ട് തന്നെ വിവാഹം ഉറപ്പിച്ചു..

“”തസ്‌നിയുടെ വിവാഹത്തിന്റെ അന്നാണ് ആദ്യമായി സാനിയെ കാണുന്നത്.. നാടൊട്ടുക് ഉമ്മയുടെയും ഉപ്പയുടെയും ബന്ധുക്കളും കുടംബാംഗങ്ങളും, സുഹൃത്തുക്കളായും ഉപ്പയുടെ ആശ്രിതരായും ഒരുപാട് പേര് ഉള്ളത് കൊണ്ട് വലിയൊരു വിവാഹം ആയിരുന്നു തസ്‌നിയുടേത്…

തലയിൽ വട്ടത്തിൽ ഹിജാബിട്ട് പൂച്ചകണ്ണുമായി എന്നെ നോക്കി ചിരിച്ച സുന്ദരി പെണ്ണ്… സാനിയ…