നിയോഗം 2 Dark World Part II (മാലാഖയുടെ കാമുകൻ) 1475

നീ അന്നും അവന്റെ മുൻപിൽ പോയി ചാടി.. ഇന്നും.. എന്നിട്ട് തല്ലും വാങ്ങി വന്നു ഹി ഈസ് സ്ട്രോങ്ങ് എന്ന്.. നാണം ഇല്ലെടാ മണ്ടാ??? മസിലും വീർപ്പിച്ചു നടക്കുന്നു.. ബുൾഷിറ്റ്…!”

ലിസ ദേഷ്യം കൊണ്ട് വിറച്ചു..

“കേസ് ആക്കട്ടെ? ഞാൻ ഡ്യൂട്ടി ചെയ്യുമ്പോൾ എന്നെ അടിച്ചു എന്ന് പറഞ്ഞു അവനെ പൊക്കം… മാം?”

ലിനുവിന്റെ ചോദ്യം കേട്ടപ്പോൾ ലിസ അവനെ നോക്കി..

“നാണമില്ലേ ലിനു?? വേണ്ട.. കേസ് വേണ്ട.. അവൻ മെറിനെ തപ്പി ഇറങ്ങിയത് ആണെന്ന് അല്ലെ പറഞ്ഞത്…. പിന്നെ… നീ പറഞ്ഞ ഈ ഹെർക്കുലീസിനെ ഞാൻ ഒന്ന് കാണുന്നുണ്ട്..

അവൻ വരും.. എന്റെ മുൻപിൽ വരും.. അന്ന് ഞാൻ അവനെ കുടിച്ച മുലപ്പാൽ കപ്പിക്കും…!”

മൊണാലിസ അതും പറഞ്ഞു മേശയിൽ ആഞ്ഞു ഇടിച്ചു..

ദേഷ്യം കൊണ്ട് വിറച്ചു നിൽക്കുന്ന അവളെ ലിനു ഒന്ന് നോക്കി..

തായ് ബോക്സിങ് ചാമ്പ്യൻ ആയിരുന്നു മൊണാലിസ.. ഇതുവരെ അവളെ കായികം ആയി ആരും തോൽപ്പിച്ചിട്ടില്ല…
റോഷന്റെ അവസാനം ആയിരിക്കും ഇവളുടെ കയ്യിൽ കിട്ടിയാൽ എന്ന് അവൻ ആലോചിച്ചു…

*****

കുറെ സ്ഥലങ്ങൾ കറങ്ങി.. മെറിന്റെ വീടും അടച്ചു കിടക്കുകയാണ്.. മൊത്തം ഇലകളും ചപ്പും മിറ്റത്ത്..

ആകെ നിരാശയോടെ വൈകുന്നേരം ആയപ്പോൾ ഞാൻ നേരെ മീനുവിന്റെ വീട്ടിലേക്ക് ചെന്നു..
അവിടെ വൃത്തി ഉണ്ട്. അയാൾ ആയിരിക്കണം നന്നായി നോക്കിയിട്ടുണ്ട്..

ഞാൻ അകത്തു കയറി.. സമയം നോക്കി.. 7 മണി കഴിഞ്ഞു..

ഞാൻ ബാഗ് തുറന്നു അതിൽ നിന്നും ആ ബോക്സ് എടുത്തു.. ഓപ്പൺ ചെയ്തു തിളങ്ങുന്ന രത്‌നം നോക്കി..

അതിൽ തൊട്ടു…

“എനിക്ക് നിന്റെ സഹായം വേണം.. വഴി കാണിച്ചു തന്നാൽ മതി.. ബാക്കി ഞാൻ ചെയ്തോളാം.. മെറിനെ കണ്ടുപിടിക്കണം.. ഹെല്പ് മി ഔട്ട് ഓഫ് ദിസ്…”

ഞാൻ അത് പറഞ്ഞപ്പോൾ കല്ല് പതിവ് പോലെ തിളങ്ങി.. എന്തോ ഒരു ആത്മവിശാസം തോന്നി.. ട്രിനിറ്റി ഇതൊക്കെ കേട്ടത് പോലെ..

ഫോൺ ശബ്‌ദിച്ചപ്പോൾ ഞാൻ ബോക്സ് അടച്ചു ബാഗിൽ വച്ചു. അർച്ചന ആണ്.

“ഏട്ടാ… എന്തായി?”

“ഒന്നും ആയില്ല മോളെ… നോക്കുന്നുണ്ട്.. നിന്റെ പനി കുറഞ്ഞോ? മീനു എവിടെ?”

അർച്ചനയ്ക്ക് ചെറുതായി പനി പിടിച്ചിരുന്നു.

“അഹ് അവൾ സ്കൂട്ടി എടുത്തു അവിടെ വൃത്തി ആക്കണം എന്ന് പറഞ്ഞു അങ്ങോട്ട് വന്നിട്ടുണ്ട്.. എനിക്ക് കുഴപ്പം ഇല്ല… മരുന്ന് കഴിച്ചു.. ഏട്ടൻ കഴിച്ചോ?”

“ഇങ്ങോട്ട് വന്നോ അവൾ? എന്നാൽ ഞാൻ അവളുടെ ഒപ്പം അങ്ങോട്ട് വരാം.. നാളെ ഒരാളെ കാണാൻ ഉണ്ട്…”

“എന്ന വാ ഏട്ടാ.. ശരി…”

“ശരി മോളു.. നീ കിടന്നോ.. വയ്യാത്തതല്ലേ…ഞങ്ങൾ ഇപ്പോൾ വരാം..”

“മ്മ്മ് ഏട്ടാ…”

ഫോൺ വച്ചു..
അടുക്കളയിൽ പോയി ഗ്ലാസ് കഴുകി എടുത്തു കുറച്ചു വെള്ളം മിനറൽ വാട്ടറിന്റെ ബോട്ടിലിൽ നിന്നും ഒഴിച്ച് കുടിച്ചു..

കതക് തുറന്ന ശബ്ദം കേട്ടപ്പോൾ ഞാൻ അടുക്കളയിൽ നിന്നും നോക്കി..