നിയോഗം 2 Dark World Part II (മാലാഖയുടെ കാമുകൻ) 1479

വണ്ടി ഞാൻ ഫസ്റ്റ് ഗിയറിൽ ഇട്ടു മുകളിലേക്ക് ഓടിച്ചു..

വഴിയിൽ കാട് വളർന്നിട്ടുണ്ട്.. മലയുടെ അടിയിൽ അന്ന് മെറിൻ വണ്ടി നിർത്തിയ അവിടെ വരെ ഞാൻ മിനിയെ വലിപ്പിച്ചു.. കയറ്റം അത്ര കഷ്ട്ടം അല്ല..
എന്നാലും ഇടക്ക് ടയറുകൾ തെന്നി..

പക്ഷെ ഇനി ഇറങ്ങുമ്പോൾ പണി ആകും എന്നെനിക്ക് അറിയാമായിരുന്നു..

ഞാൻ വണ്ടി അവിടെ ഇട്ടു മല കയറി..

മെല്ലെ ചുറ്റും നോക്കി ആണ് തോളറ്റം നിൽക്കുന്ന പുല്ലിന്റെ ഇടയിൽ കൂടി കയറിയത്.

മുകളിൽ എത്താൻ പത്തു മിനുട്ടിൽ കൂടുതൽ എടുത്തു.

ആ പള്ളി തല ഉയർത്തി തന്നെ നിൽക്കുന്നു… ബ്രിട്ടീഷ് പള്ളി ആണ്.. ഞാൻ അതിന്റെ അടുത്തേക്ക് നടന്നു.. പുറകു വശത്തേക്ക് പോയി.

പുറകിൽ നോക്കി.. ഇല്ല…

എനിക്ക് ആകെ നിരാശ തോന്നി.. അവിടെ പൊളിഞ്ഞു കിടക്കുന്ന കല്ലുകൾ.. അന്നത്തെ പൊട്ടിത്തെറിയിൽ തകർന്ന അണ്ടർഗ്രൗണ്ട് എൻട്രൻസ്.

അവിടെ ഒരു ജീവി പോലും വന്ന ലക്ഷണം ഇല്ല.. മൊത്തം കാട് വളർന്നിരിക്കുന്നു… ഞാൻ അകെ തളർന്നു നിലത്തു ഇരുന്നു.. ഇനി എവിടെപ്പോയി അനേഷിക്കും?

എങ്ങനെ ഇനി അവളെ കണ്ടുപിടിക്കും..? എന്തെങ്കിലും പറ്റിയിരിക്കുമോ.. എസിപി ആണെങ്കിലും ഒരു പെണ്ണ് അല്ലെ അവൾ….

ഞാൻ ഒത്തിരി സങ്കടത്തോടെ. നിരാശയോടെ തിരിച്ചു നടന്നു.. മല ഇറങ്ങി..

വണ്ടിയിൽ കയറി മെല്ലെ മല ഇറക്കി..

****

മൊണാലിസ ഓഫീസിൽ ഇരിക്കുകയായിരുന്നു.. പെട്ടെന്ന് ലിനു കയറി വന്നു..

ലിനുവിന്റെ കോലം കണ്ടു അവൾ ഞെട്ടി എഴുന്നേറ്റ് അവന്റെ അടുത്തേക്ക് ചെന്നു..

“ലിനു.. വാട്ട് ഈസ് ദിസ്? അവൻ തമാശ പറഞ്ഞതാണ് എന്നാണ് ഞാൻ… ഗോഡ്…”

അവൾ വേഗം ചെന്ന് അവന്റെ മുഖം പിടിച്ചു നോക്കി.. ചതഞ്ഞിട്ടുണ്ട്. ചുണ്ട് പൊട്ടി വീർത്തു ഇരിക്കുന്നു. ദേഹം മൊത്തം പൊടി.

“അവൻ.. റോഷൻ അടിച്ചതാണ്….”

അവൻ മെല്ലെ പറഞ്ഞു..

“നീ.. നീ കുറെ മാർഷൽ ആർട്സ് ഒക്കെ പഠിച്ചതല്ലേ? എന്തൊരു കോലം ആണെടാ നിന്റെ??

എന്നാലും അവൻ ഒരു പ്രൊവോക്കും ഇല്ലാതെ നിന്നെ കയറി അടിച്ചോ?? നീ അവന്റെ മുൻപിൽ പോകരുത് എന്ന് പറഞ്ഞതല്ലേ?”

മൊണാലിസക്ക് വിശ്വസിക്കാൻ ആയില്ല..

“പുറകെ പോയതാണ്.. അവൻ എന്നെ ഒരു ഇടവഴിയിൽ കാത്തു നിന്നു… റിവേഴ്‌സ് എടുക്കാൻ കഴിഞ്ഞില്ല.

“അവൻ എന്നെ വലിച്ചു പുറത്തിറക്കി ഭിത്തിയോട് ചാരി.. ഞാൻ അവനെ ചവുട്ടി.. അതോടെ ഞാൻ ഒന്ന് അവനിട്ടു പൊട്ടിക്കാം എന്ന് കരുതിയതാണ്..

അപ്പോഴാണ് അവൻ എന്നെ എടുത്തിട്ട് അടിച്ചത്…

ലിസ.. ഹി ഈസ് സ്ട്രോങ്ങ്…
ഒരു ചവുട്ടിന് ഭിത്തിയും പൊളിച്ചു ആണ് ഞാൻ വീണത്.. ഇപ്പൊ നടക്കാൻ വയ്യ.. ഐ നീഡ് ഓഫ് ഫോർ ഫ്യൂ ഡേയ്സ്….

ഗിയറിൽ കിടന്ന വണ്ടി അവൻ തള്ളി മാറ്റി… യു നോ??”

ലിനു അത് പറഞ്ഞു കുറച്ചു വെള്ളം എടുത്തു കുടിച്ചു.. ആർത്തിയോടെ.

“നീ എന്തിനാണ് അവനെ ചവിട്ടാൻ പോയത്? ഇറ്റ്‌സ് യുവർ മിസ്റ്റേക്ക് ലിനു… ഞാൻ അവനെ വാച്ച് ചെയ്യാൻ ആണ് പറഞ്ഞത്…