നിയോഗം 2 Dark World Part II (മാലാഖയുടെ കാമുകൻ) 1479

അർച്ചനയുടെ വീട്.

ഞാൻ റൂമിൽ ഡ്രസ്സ് മാറുകയായിരുന്നു.. എന്റെ കൊച്ചു ബാക് പാക്ക് അർച്ചന കൊണ്ടുവന്നു തന്നു.. ഞാൻ ആ ബോക്സ് എടുത്തു അതിൽ വച്ചു..
ഒരു സ്വിസ് മെയ്ഡ് കത്തിയും.

“ഏട്ടാ.. എനിക്ക് പേടി ആകുന്നു..”

അവൾ എന്നെ കെട്ടിപിടിച്ചു നെഞ്ചിൽ മുഖം ചേർത്ത് വച്ചു.. നെഞ്ച് നനയുന്നു.. ഞാൻ അവളുടെ താടി പിടിച്ചു പൊക്കി..

“വാവേ.. കരയല്ലേ… എനിക്ക് ഒന്നും പറ്റില്ല.. മെറിനും ഒന്നും പറ്റില്ല…”

“മ്മ്മ്….”

“ഇവളെ ഒന്ന് ഹാപ്പി ആക്കടീ… “

ഞാൻ വാതിൽക്കൽ നിൽക്കുന്ന മീനുവിനോട് പറഞ്ഞപ്പോൾ അവൾ ഒന്ന് പുഞ്ചിരിച്ചു.. അവളെ ആര് ഹാപ്പി ആക്കുമോ എന്തോ…

ഞാൻ പുറത്തേക്ക് നടന്നു.. മീനു എന്റെ കയ്യിൽ ഒന്ന് പിടിച്ചു..

മഷി എഴുതിയ കറുത്ത കണ്ണുകളിൽ ഒരു ചെറിയ പേടി.

“വേഗം വരാം.. “

ഞാൻ അതും പറഞ്ഞു പുറത്തു ഇറങ്ങി.

പപ്പയെയും മമ്മിയെയും കണ്ടു സംസാരിച്ചിട്ടാണ് പുറത്തേക്ക് വന്നത്..

എങ്ങോട്ട് പോയി അനേഷിക്കും എന്ന് എനിക്ക് ഒരു ഐഡിയ ഉണ്ടായിരുന്നു..

ഏടത്തിയുടെ കാറിൽ തന്നെ ആണ് പോയത്.

ടൗണിൽ ഒന്ന് കുടുങ്ങി എങ്കിലും ഞാൻ മെല്ലെ ഒരു വഴിയിൽ കൂടി വണ്ടി വിട്ടു..

കുറച്ചു ദൂരം മുൻപോട്ട് പോയപ്പോൾ ആണ് പുറകിൽ ഒരു വണ്ടി കണ്ടത്..

ഒരു മാരുതി സുസുക്കി റിറ്റ്സ്.. കറുപ്പ്..

ഞാൻ വണ്ടി ഒന്ന് സ്ലോ ആക്കി..

ഈ മിനി കൂപ്പർ കോൺവെർട്ടബിൾ ആണ്.. ഒരു സ്വിച്ച് അമർത്തിയപ്പോൾ അതിന്റെ മുകൾ ഭാഗം വന്നു അടഞ്ഞു..

ഞാൻ വണ്ടി ഒന്ന് ഒതുക്കി നിർത്തി.

അപ്പോൾ കുറച്ചു പുറകിൽ ആയി ആ കാറും നിന്നു.. അപ്പോൾ എന്റെ പുറകെ ആരോ ഉണ്ട്…

ഞാൻ കാറ് ഓഫ് ആക്കി വണ്ടിയിൽ നിന്നും ഇറങ്ങി കൂട്ടുകാരൻ ജോണിനെ വിളിച്ചു.. അവനോടു സംസാരിച്ചു മെല്ലെ നോക്കി..

ഇന്നലെ ജീപ്പ് കൊണ്ടുവന്നു പുറകെ നിർത്തിയവൻ ആണ് മാരുതി റിറ്റ്‌സിൽ ഇരിക്കുന്നത്..

ഒരു പോലീസ് ലുക്ക്… എനിക്ക് സംഗതി മനസിലായില്ല.. ഇവൻ എന്തിനു എന്നെ ഫോള്ളോ ചെയ്യണം ?

ഇനി മെറിന്റെ തീരോധാനത്തിനു പിന്നിൽ ഉള്ള ആരെങ്കിലും.. എനിക്ക് അങ്ങനെ ഒരു സംശയം തോന്നി..

ഞാൻ വണ്ടിയിൽ കയറി മുൻപോട്ട് എടുത്തു.

അല്പം മുൻപോട്ട് വിട്ടു ഒരു ഇടവഴിയിൽ കയറ്റി വണ്ടിയിൽ നിന്നും ഇറങ്ങി കാത്തു നിന്നു.

പെട്ടെന്നാണ് ആ റിറ്റ്സ് വഴിയിലേക്ക് കയറി വന്നത്..

എന്നെ കണ്ടതും അവൻ വണ്ടി ചവുട്ടി നിർത്തി.. റിവേഴ്‌സ് എടുക്കാൻ നോക്കി..

ഞാൻ മുൻപോട്ട് കുതിച്ചു.. ഡോർ വലിച്ചു തുറന്നു..

അവൻ എന്തോ പറയാൻ വന്നപ്പോൾ ഞാൻ നിമിഷ നേരം കൊണ്ട് സീറ്റ് ബെൽറ്റ് വലിച്ചഴിച്ചു അവനെ വലിച്ചു പുറത്തെടുത്തു ഇടവഴിയിലെ പഴഞ്ചൻ ഇഷ്ട്ടിക ഭിത്തിയിൽ ആഞ്ഞു അമർത്തി കോളറിന് കുത്തി പിടിച്ചു നിർത്തി..

ഇതൊക്കെ ഒരു നിമിഷം കൊണ്ട് ഞാൻ ചെയ്തു..

അവൻ നന്നായി പകച്ചു.. അവന്റെ ഗ്ലാസ് നിലത്ത് വീണിരുന്നു.