നിയോഗം 2 Dark World Part II (മാലാഖയുടെ കാമുകൻ) 1479

എന്നാലും ഞാൻ അത് കാര്യം ആക്കിയില്ല. അത്യാവശ്യം സ്പീഡിൽ തന്നെ അങ്ങ് വിട്ടു..

“പറ. എന്താ നീ പറഞ്ഞെ? ആരാ കൊല്ലാൻ വന്നേ? ഞാൻ അറിയാതെ എന്തൊക്കെയാ ഇവിടെ നടന്നേ??”

ഏട്ടത്തി കരച്ചിലിന്റെ വക്കിൽ ആണ്..

“ഏട്ടത്തി.. എല്ലാം പറയാം.. പക്ഷെ വീട്ടുകാർ ഒന്നും അറിയരുത്.. കൂടാതെ ക്ഷമ കാണിക്കണം. എനിക്ക് മെറിനെ കണ്ടുപിടിക്കണം… തല്ക്കാലം ഇവരെ വീട്ടിൽ നിർത്തൂ….”

ഞാൻ അത് പറഞ്ഞപ്പോൾ ഏട്ടത്തി ഒന്ന് ഒതുങ്ങി..

“പക്ഷെ അവർ ചോദിക്കില്ലേ എന്താ തിരിച്ചു വന്നത് എന്ന്? എന്ത് പറയും??”

എനിക്ക് ഉത്തരം മുട്ടി.

“അതിനു വഴി ഉണ്ട്…”

അർച്ചന ആണ്… ഞങ്ങൾ അവളെ നോക്കി.

“ബാംഗ്ലൂർ അപ്പോളോ ഹോസ്പിറ്റലിൽ എന്റെ കൂട്ടുകാരിയുടെ അച്ഛൻ ആണ്.. അവൾ അവിടെ ആണ് പ്രാക്ടീസ് ചെയ്യുന്നത്.. എന്നെയും വിളിച്ചിരുന്നു. അത് പറഞ്ഞാലോ? നല്ല അവസരം ആണ് അതാണ് പെട്ടെന്ന് വന്നത് എന്ന് പറയാം??? അല്ലെ ചേച്ചി?”

എനിക്ക് മതിപ്പ് തോന്നി.. ചേച്ചിയെ പോലെ തന്നെ ആണ് അനിയത്തിയും.. അതോടെ ആ പ്രശ്നം സോൾവ് ആയി…

വീട്ടിൽ എത്തി എല്ലാവരും ഒന്ന് വിശ്രമിച്ചു. എനിക്ക് ഉറക്കം വന്നില്ല… മെറിൻ എവിടെ ആയിരിക്കും..

അവളെ കണ്ടു കെട്ടിവരിഞ്ഞു ഒരു ഉമ്മ കൊടുക്കാൻ തോന്നി എനിക്ക്.. ദേവീ അവളുടെ ജീവൻ ആപത്തിൽ ആകരുതേ..

***

Somewhere unknown

ഒരു കറുത്ത പോർഷെ കായേന കാട്ടുവഴികളിൽ കൂടി മെല്ലെ ഒഴുകി നീങ്ങുകയായിരുന്നു..

ആൾതാമസം ഇല്ലാത്ത ഒരു സ്ഥലം ആണ്.. വണ്ടി ഒഴിഞ്ഞു കിടന്ന ഒരു ഫാക്ടറിയിലേക്ക് കയറി.
നേരെ അതിന്റെ പുറകിലേക്ക് പോയി.

ഒരു വല്ലാത്ത ശബ്ദത്തോടെ അണ്ടർഗ്രൗണ്ടിലേക്ക് ഉള്ള ഒരു വഴി തുറന്നപ്പോൾ കാർ മെല്ലെ അതിലൂടെ താഴേക്ക് ഇറങ്ങി…

അടിയിൽ നല്ല വൃത്തി ഉള്ള ഒരു പാർക്കിംഗ് ഏരിയ. അതിന്റെ ഒരു വശത്തു ഒരു ചുവന്ന ഡോർ. കാറിൽ നിന്നും ഒരാൾ ഇറങ്ങി.
അവിടെ ഒരു റോൾസ് റോയ്‌സ് ഗോസ്റ്, ഡോഡ്ജ് ചാർജർ, പിന്നെ ഒരു പത്മിനി. ഇത്രയും കാറുകൾ കൂടി കിടന്നിരുന്നു… എല്ലാം കറുപ്പാണ്..

വണ്ടിയിൽ നിന്നും ഇറങ്ങിയ ആൾ ഡോറിന് നേരെ നടന്നു..

നിലത്ത് ഇഴയുന്ന കറുത്ത ഗൗൺ.. തലയിൽ കൂർത്ത തൊപ്പി.. ഒന്ന് തിരിഞ്ഞപ്പോൾ ഒരു പെണ്ണിന്റെ സുന്ദര മുഖം..

അവൾ ഡോർ തുറന്നു അകത്തു കയറി.. നീണ്ട ഇടനാഴി.. ലൈറ്റുകൾ ഡിം ആയി കത്തുന്നു. അവൾ നടന്നു അപ്പുറ വശത്തേക്ക് ചെന്ന് ഒരു റൂമിൽ എത്തി.

ഇരുണ്ട റൂം.. ഒരു കൊച്ചു ബൾബ് മങ്ങി കത്തുന്നു.

അവിടെ മുഖം മൊത്തം മറച്ചു ഒരു കൂർബൻ തൊപ്പി വച്ച് ഒരാൾ ഇരുന്നിരുന്നു.. അയാൾ വായിക്കുന്ന ബുക്ക് മാറ്റി വച്ചു.

“മാസ്റ്റർ…”

അവൾ ഒന്ന് വണങ്ങി. അയാൾ കൈ പൊക്കി കാണിച്ചു.

“അവർ എത്തി അല്ലെ?”