നന്ദന 3[Rivana] 166

 

ഞാൻ പേടിച്ചു വിക്കി കൊണ്ട് പറഞ്ഞൊപ്പിച്ചു.

 

“ നന്ദനെ നീ പേടിക്കണ്ട ടീച്ചർ ഒന്നും പൊക്കൂല,, ഞാൻ പോകാതെ ശ്രദ്ധിച്ചോളാം, നീ ഇങ്ങോട്ട് നോക്കണ്ട. ബാക്കി അൻസർ എഴുതിക്കോ “

 

“ പ്ലീസ് റോയ്, ആ അൻസാർ ഷീറ്റ് താ “

 

“ ദാ ഇപ്പൊ കഴിയും അത് കഴിഞ്ഞിട്ട് തരാ “

 

ചോദിച്ചിട്ടും തരുന്നില്ലന്ന് മനസിലായപ്പോ ഞാൻ പേടിയോടെ ആണേലും അൻസർ എഴുതാൻ തുടങ്ങി. ഇടക്ക് അവനെ നോക്കുന്നതും ഉണ്ട്.

 

അങ്ങനെ നോക്കുന്നതിനിടയിൽ ആണ് മിസ്സ്‌ അവന്റെ മുന്നിൽ വന്ന് നിന്നത് എന്നിട്ട് റോയ് എഴുതി കൊണ്ടിരിക്കുന്ന ആൻസർ ഷീറ്റ് ഒരു ഭാഗത്തേക്കു നീക്കി. അതിന്റെ അടിയിൽ എന്റെ ആൻസർ ഷീറ്റ് കണ്ട മിസ്സ്‌  അവനെയും ആ അൻസർ ഷീറ്റിലേക്കും പിന്നെ എന്നെയും നോക്കി കൊണ്ടിരുന്നു.

 

ഇതും കൂടെ സംഭവിച്ചതോടെ ഞാൻ ആകെ ഭയന്ന് വിറക്കാൻ തുടങ്ങി ശ്വാസം വിടുന്നതും വലിക്കുന്നതും വേഗത്തിലായി . ഹൃദയം പെരുമ്പറ കോട്ടും പോലെ പടപ്പടാന്ന് ഇടിക്കാൻ തുടങ്ങി. എനിക്കെന്ത് ചെയ്യണൊന്ന് ഒരെത്തും പിടിയും കിട്ടുന്നില്ല.

 

റോയ് ആണേൽ അലീന മിസ്സിന്റെ മുഖത്തേക്ക് ദയനീയമായി നോക്കി ഒരു പിഞ്ചു കുഞ്ഞിനെ പോലെ.

 

ഞാൻ വിചാരിച്ച പോലെ ഒന്നും ഉണ്ടായില്ല മിസ്സ്‌ ഞങ്ങളെ നോക്കി എന്താച്ചാ ചെയ്യ് എന്നപോലെ നോക്കി ചിരിച്ചു കൊണ്ട് അവിടെന്ന് പോയി.

 

അപ്പോഴാണ് എന്റെ ശ്വാസം നേരെ വീണത്. മിസ് പോയിട്ടും ഹൃദയം ആ തുടിപ്പ് തുടിചോണ്ടിരിക്കുന്നുണ്ട്.

 

ഞാൻ എന്റെ പേടി ഒന്ന് മാറി കിട്ടാൻ കുറച്ച് നേരം നോർമ്മലായി ഇരുന്നു. ഒന്ന് റെഡിയായപ്പോ ആൻസർ എഴുതാൻ തുടങ്ങി.

 

കുറച്ചു കഴിഞ്ഞു അവൻ എനിക്ക് ആൻസർ ഷീറ്റ് തിരിച്ചു തന്നു. അതോടൊപ്പം ഞാൻ എഴുതിയ വേറെ ഒരാൻസർ ഷീറ്റ് തരാൻ അവനാവശ്യപ്പെട്ടു.

 

അതിനുത്തരം ഞാൻ പെട്ടെന്ന് കൊടുക്കുകേം ചെയ്തു. തരില്ലെന്ന് ഞാൻ തലകൊണ്ട് ആട്ടി.

പിന്നേ അവനെ ഞാൻ എക്സാം കഴിയുന്നത് വരെ നോക്കിയതേ ഇല്ല.