നന്ദന 3[Rivana] 166

 

ഇപ്പൊ ഈ ടൈമിൽ തന്നെ കുളിച്ചാൽ ഉറക്കം നല്ല പോലെ പോകുമെന്ന് ഉറപ്പായോണ്ടാണ് അത്രയും നല്ല തണുപ്പിൽ കുളിച്ചത്.

 

ഫ്രഷായി വന്ന് ഡ്രെസ്സും മാറി ഇന്നലെ പഠിച്ചതിന്റെ ബാക്കി നോക്കി കൊണ്ടിരുന്നു. ഞാൻ പഠിക്കുന്നതിനിടയിൽ അച്ഛൻ കട്ടൻ കാപ്പി ഉണ്ടാക്കി കൊണ്ട് വന്ന് തന്നു.

 

എന്നിട്ട് എന്റെ അടുത്ത് വേറെ ഒരു കസേരയിൽ വന്നിരുന്ന് ഞാൻ പഠിക്കുന്നതും നോക്കി ഇരുന്നു. എനിക്ക് കൂട്ടിനായി വന്നിരിക്കുകയാണ്. കുറച്ചു സമയം ആയപ്പോഴെക്കും ഇരിന്നിടത്ത് വച്ച് ഉറക്കം തൂങ്ങാൻ തുടങ്ങി അച്ഛൻ. ഇടക്ക് തല സൈഡിലേക് പോയി വീഴാൻ പോകുന്നുണ്ട്.

 

ഈ കാഴ്ച കണ്ടപ്പോ ആദ്യം ചിരി വന്നെങ്കിലും എനിക്ക് വേണ്ടിയിട്ടാണ് അച്ഛൻ ഇങ്ങനെ ചെയ്യുന്നത് എന്നോർത്തപ്പോൾ അച്ഛനോടുള്ള സ്നേഹം കൂടി കൊണ്ടിരുന്നു.

 

“ അച്ഛാ.. അച്ഛാ.. “

 

ഇരുന്ന് ഉറങ്ങുന്ന അച്ഛനെ ഞാൻ തട്ടി വിളിച്ചു.

 

“ മ്മ്മ് “

 

കണ്ണ് തുറന്ന് എന്താണ് എന്നെന്നോട് ചോദിച്ചു.

 

“ അച്ഛൻ പോയി കിടന്നുറങ്ങിക്കോ, ഇവിടെ കിടന്ന് ഇങ്ങനെ ഉറക്കം തൂങ്ങേണ്ട “

 

“ ഹേ ഞാൻ ഉറക്കം തൂങ്ങുന്നൊന്നും ഇല്ല, മോൾ ഇരുന്ന് പഠിച്ചോ. ഞാനിവിടെ ഇരുന്നോളം “

 

 

അച്ഛൻ വീണ്ടും സ്റ്റഡിയിൽ ഇരുന്ന് കൊണ്ട് പറഞ്ഞു.

 

“ ദേ അച്ഛാ പോയി കിടന്നേ, അല്ലേൽ അച്ഛൻ ഇവിടെ എന്റെ ബെഡിൽ കിടന്നോ. എനിക്ക് വേണ്ടി ഇങ്ങനെ ഉറക്കം തൂങ്ങി ഇരിക്കേണ്ട കാര്യം ഒന്നൂല്യ. ഞാൻ പഠിച്ചോളാം “

 

അച്ഛൻ എന്റെ നിർബന്ധത്തിന് വഴങ്ങി എന്റെ ബെഡിൽ തന്നേ കിടന്നുറങ്ങി. ഞാൻ വീണ്ടും പഠനത്തിൽ കോണ്സെൻഡ്രേറ്റ്‌ ചെയ്തു.

 

ഏഴ് മണി ആയപ്പോ ഞാൻ അച്ഛനെ വിളിച്ചുണർത്തി. എന്നിട്ട് രാവിലെ ഉള്ള സ്ഥിരമായുള്ള കലാ പരിപാടികളിൽ ഏർപ്പെട്ടു .വേറെ ഒന്നുമല്ല ചായയും കടിയും ഉണ്ടാക്കലും മറ്റ്‌ കാര്യങ്ങളും ഒക്കെ തന്നെ.

 

അച്ഛൻ എന്നോട് പോയി പഠിക്കാൻ പറഞ്ഞെങ്കിലും ഞാൻ കുറച്ചു നേരം അച്ഛന്റെ കൂടെ നിന്ന് സഹായിച്ചു. ഒരു ഒമ്പത് മണി ആയപ്പോഴേക്കും ജോലിയും തീർത്ത്