നന്ദന 3[Rivana] 166

സ്കൂൾ യൂണിഫോമും മാറ്റി റെഡിയായി വന്ന് ഞാനും അച്ഛനും കൂടെ ഇരുന്ന് ചായ കുടിച്ചു.

 

പിന്നെ അധികം വൈകാതെ ഞാൻ നേരെ റംഷിയുടെ വീട്ടിലേക് നടന്നു. അച്ഛൻ നേരെ തൊടിയിലേക്ക് പണിക്ക് ഇറങ്ങുകയും ചെയ്തു.

 

റംഷിയുടെ വീട്ടിൽ ചെന്ന് പരസ്പരം ബുക്കിൽ ഉള്ളതും പഠിച്ച കാര്യങ്ങളും ഡിസ്കസ് ചെയ്തു കൊണ്ടിരുന്നു. അവിടെന്ന് നേരം ആയപ്പോൾ അവളുടെ ഉമ്മ കൊണ്ട് വന്ന ഭക്ഷണോം കഴിച്ചു സ്കൂളിലെക്ക് പോന്നു.

 

സ്കൂളിൽ ഇരുന്നും ഞങ്ങൾ ബുക്ക് ഒരിക്കൽ കൂടെ റീവൈൻഡ് ചെയ്തെടുത്ത് എക്സാം എഴുതേണ്ട സമയം ആയപ്പോൾ ക്ലാസ്സിലേക്ക് ഞങ്ങൾ കയറി ഇരുന്നു.

 

ഞാൻ ക്ളാസിലേക് കയറി ഇരുന്ന് അധിക സമയം കഴിയാതെ തന്നെ എന്റെ അടുത്തുള്ളവനും ക്ളാസിലേക് കയറി എന്റെ അടുത്ത് വന്നിരുന്നു.

 

എനിക്കൊരു പുഞ്ചിരി തരാനും അവൻ മറന്നില്ല. ഞാൻ പിന്നെ അധികം ജാഡ ഒന്നും കാണിക്കാതെ തിരിച്ചും പുഞ്ചിരി നൽകി.

 

“ ഹായ് “

 

പെട്ടെന്ന് അവൻ എനിക് നേരെ തിരിഞ്ഞു പറഞ്ഞു.

 

“ യേ… അ.. ഹ.. ഹായ് “

 

പെട്ടെന്ന് അവൻ അങ്ങനെ പറഞ്ഞപ്പോ ഒന്ന് പകച്ചു വിക്കി കൊണ്ട് ഞാൻ പറഞ്ഞൊപ്പിച്ചു.

 

“ എന്റെ പേര് റോയ്, റോയ് മാത്യൂ “

 

“ മ്മ്മ് “

 

അവൻ അവനെ തന്നെ എനിക് ഇന്റോർഡ്യൂസ് ചെയ്തപ്പോ ഞാനത് ചിരിച്ചു കൊണ്ട് മൂളലിൽ ഒതുക്കി.

 

“ തന്റെ പേര് ന്താ “

 

“ നന്ദന “

 

ഞാൻ ഒറ്റ വാക്കിൽ പറഞ്ഞു നിർത്തി.

 

“ 10C യിൽ അല്ലേ താൻ “

 

“ മ്മ്മ് അതേ “

 

കുറച്ചു നേരം പിന്നെ ഒരു മിണ്ടാട്ടം ഉണ്ടായില്ല. ടീച്ചർ ക്ലാസ്സിലെ കുട്ടികൾക്ക് ബ്ലാങ്ക് അൻസർ ഷീറ്റ് കൊടുത്ത് തുടങ്ങുകയാണ് ഇപ്പൊ.

 

“ ഇന്നലെ ഉള്ള എക്സാം എങ്ങനെ ഉണ്ടായിരുന്നു “

 

അവൻ നിശബ്‌ദം വെടിഞ്ഞു കൊണ്ട് ചോദിച്ചു.

 

“ നന്നായിരുന്നു “