നന്ദന 3[Rivana] 166

“ ന്താടി നിനക്ക് വിശക്കുന്നുണ്ടോ. പഴമ്പൊരി തരാട്ടൊ “

 

ഞാൻ അതും പറഞ്ഞു കൊണ്ട് എന്റെ കയ്യിലുള്ള പഴമ്പൊരിയുടെ ഒരു കഷ്ണം എടുത്ത് അവൾക്കരികിൽ ഇട്ട് കൊടുത്തു.

 

അദ്യാദ്യം അവളൊന്ന് മണത്ത് നോക്കിയിട്ട് പിന്നെ കഴിക്കാൻ തുടങ്ങി.

 

ഇപ്പൊ നിങ്ങൾ കരുതും പൂച്ച പഴമ്പൊരി ഒക്കെ കഴിക്കുമോന്ന്. എന്റെ കിങ്ങിണി പൂച്ച പഴമ്പൊരി എന്നല്ല. മിച്ചർ കഴിക്കാൻ കൊടുത്താൽ അത് വരേ കഴിക്കും.അത്രയ്ക്കും ഭീകരിയാണവൾ.

 

ചായ കുടിയെല്ലാം കഴിഞ്ഞു അച്ഛന്റെ കൂടെ കുറച്ചു നേരം ടിവി കണ്ടിരുന്നു. സന്ധ്യ ആകാറായതും അച്ഛന് വിളക്ക് തെളിയിക്കാൻ പറഞ്ഞതോടെ ഞാൻ പോയി വിളക്ക് തെളിയിച്ചു പൂമുഖത്ത് കൊണ്ട് വന്ന്  വച്ചു. എന്നിട്ട് കുറച്ചു നേരം നാമം ജപിച്ചു.

 

അതെല്ലാം കഴിഞ്ഞു നാളേയുള്ള എക്സാമിന് വേണ്ടി പഠിക്കാൻ തുടങ്ങി. ഉറക്കം വരാതിരിക്കാൻ വേണ്ടി ഇടയ്ക്ക് അച്ഛൻ വന്ന് കട്ടൻ ചായ തന്നു.

 

ഒരു ഒമ്പതര മണിയായപ്പോൾ ചോറ് കഴിക്കാനായി അച്ഛൻ വിളിച്ചു. അച്ഛന്റെ കൂടെ ഇരുന്ന്  കഴിച്ചു. പെട്ടെന്ന് തന്നെ എഴുന്നേറ്റ്‌ പഠിക്കാനായി ഇരുന്നു.

 

ഏകദേശം പാഠഭാഗങ്ങൾ ഒക്കെ നോക്കി കഴിഞ്ഞപ്പോൾ പതിനൊന്നര ആവാറായിരുന്നു. ആ സമയത്ത് അച്ഛൻ റൂമിലേക്കു കയറി വന്നു. കയ്യിലൊരു ജെഗ്ഗിൽ വെള്ളവും ഉണ്ടായിരുന്നു.

 

“ ആ മതി പഠിച്ചത് ഇനി രാവിലെ എണീറ്റ്‌ പഠിക്കാം “

 

എന്റെ നെറുകയിൽ തലോടി കൊണ്ട് അച്ചൻ പറഞ്ഞു.

 

അച്ഛൻ പറഞ്ഞതോടെ ഞാൻ ബുക്ക് എല്ലാം എടുത്ത് വച്ചു. ഒന്ന് ബാത്റൂമിൽ പോയി വന്നതിന് ശേഷം കുറച്ചു വെള്ളവും കുടിച്ചു ബെഡിലേക്ക് കിടന്നു.

 

“ അച്ഛാ പോകല്ലേ കുറച്ച് നേരം എന്റെ ഒപ്പം ഇവിടെ കിടക്ക്‌ “

 

മുറിയിൽ നിന്നും പോകാൻ നിന്ന അച്ഛനോട് പറഞ്ഞു. അത് കേട്ടതോടെ ചുണ്ടിൽ ചിരിയുമായി എന്റെ അടുത്ത് വന്ന് കിടന്നു.

 

ഞാൻ അച്ഛനോട് പറ്റി ചേർന്ന് കെട്ടി പിടിച്ചോണ്ട് കിടന്നു.

 

“ അച്ഛാ എന്നെ നാളെ നേരത്തെ വിളിക്കണം കേട്ടോ “

 

ഞാൻ അച്ഛനെ നോക്കി പറഞ്ഞു.

 

“ ഒരു അഞ്ചു മണിക്ക് വിളിച്ചാൽ പോരെ “

 

“ അഞ്ചു മണിക്കല്ല, നാല് മണിക്ക് തന്നെ വിളിക്കണം .എനിക്ക് എക്സാം ഉള്ളത് അല്ലെ “