നന്ദന 3[Rivana] 166

“ തനിക്ക് എന്നോട് സംസാരിക്കാൻ ന്തെങ്കിലും പ്രയാസം ഉണ്ടോ “

 

“ ഹേയ് എനിക് പ്രശ്നോന്നുല്യാല്ലോ, ന്താ ങ്ങനെ ചോയിച്ചേ “

 

“ എന്നോടുള്ള തന്റെ സംസാരോം പെരുമാറ്റവും മുഖഭാവോക്കെ കണ്ടപ്പോ അങ്ങനെ തോന്നി, സോറി “

 

റോയ് എന്നോട് വളരെ വിനയത്തോടെയാണ് സോറി പറഞ്ഞെ.

 

അവൻ എന്നോട് അങ്ങനെ സോറി പറഞ്ഞപ്പോ ആളൊരു പാവം ആണെന്ന് എനിക്ക് തോന്നി.

 

“ എന്താ റോയ് പരീക്ഷ ഹാളിൽ ഒരു സംസാരം. വേണ്ടട്ടോ ഇനി വേണേൽ എക്സാം കഴിഞ്ഞു പുറത്ത്ന്ന് സംസാരിച്ചാൽ മതി “

 

ചെറിയ ഗവരവത്തോടെ അലീന മിസ് ആദ്യം സംസാരിച്ചു തുടങ്ങിയെങ്കിലും അവസാനം ചിരിയോടെയാണ് പറഞ്ഞു നിർത്തിയെ.

 

“ കോപ്പി അടിക്കാൻ ചോദ്യ പേപ്പർ ഒന്നും തന്നില്ലല്ലോ അലീന മിസ്സെ, ഞാൻ ജസ്റ്റ് ഒന്ന് പരിചയപ്പെട്ടതാണെ “

 

അടുത്ത കൂട്ടുകാരോട് സംസാരിക്കുന്ന പോലെയാണ് റോയ് മിസ്സിനോട് സംസാരിച്ചത്.

 

അതോടെ മിസ്സും റോയും നല്ല കമ്പനിയാണെന്ന് മനസിലായി.

 

പിന്നേ ഞങ്ങൾ തമ്മിൽ ഒന്നും സംസാരിച്ചില്ല .അടുത്ത ബെല്ല് അടിച്ചപ്പോ  മിസ്സ്‌ ചോദ്യ പേപ്പർ ഏല്ലാവർക്കും കൊടുത്ത് തുടങ്ങി.

 

“ നന്ദന,, ഹെയ്‌ നന്ദന “

 

 

ഞങ്ങള്ക്ക് ചോദ്യ പേപ്പർ തന്ന് മിസ് ബാക്കിലേക്ക് പോയപ്പോ റോയ് അതികം ശബ്‌ദം ഉണ്ടാകാതെ എന്നെ വിളിച്ചു.

 

ഞാൻ എന്തെന്ന് ഉള്ള രീതിയിൽ അവനെ നോക്കി.

 

“ താൻ നന്നായി പഠിച്ചിട്ടുണ്ടല്ലോ അല്ലേ “

 

ഞാൻ അതെയെന്ന് രീതിയിൽ തലയാട്ടി.

 

“ അപ്പൊ അൺസേർസ് പറഞ്ഞ് തരണോട്ടോ “

 

അവന്റെ ചുണ്ടിൽ എപ്പോയും കാണുന്ന ചിരിയോടെ എന്നോട് പറഞ്ഞു.

 

ഞാൻ വേണോ വേണ്ടയോ എന്ന രീതിയിൽ തലയാട്ടി.

 

റോയിയുടെ ചുണ്ടിൽ എപ്പോഴും കാണുന്ന ആ പുഞ്ചിരിക്ക് വല്ലാത്തൊരു ഭംഗിയാണ്. പെട്ടെന്ന് ആരെയും ആകർഷിക്കാൻ കഴിവുള്ള ചിരിയാണ് അവന്റേത്. നമ്മൾ അറിയാതെ തന്നെ ആ ചിരി ഇഷ്ട്ടപെട്ട് പോകും.