nanathana 3

Author: Rivana | [Previous parts]

 

എന്റെ ഈ കഥ സ്വീകരിച്ച എല്ലാവർക്കും നന്ദി. എന്റെ കഥ പോരാന്ന് തോന്നിയത് കൊണ്ടാണോ നിങ്ങൾ എനിക് ലൈക്ക് തരാത്തത്. അങ്ങനെ എങ്കി കുഴപ്പം ഇല്ല. ഇഷ്ട്ടായാ ആ ലൈക്ക് തന്നൂടെ. ഒരു സെക്കന്റിന്റെ കാര്യം അല്ലെ ഉള്ളു

❇️❇️❇️❇️❇️❇️❇️❇️❇️

 

“ ഓ ഒരു ജഗജാല കില്ലാഡി. കോപ്പി അടിച്ചു ഇപ്പൊ ആർക്കും ജയിക്കാം. പക്ഷെ പഠിച്ചു ഫുൾ മാർക്ക് വാങ്ങുന്നതിലാണ് അന്തസ് “

 

ഞാൻ അച്ഛൻ പറഞ്ഞത് ഇഷ്ട്ടപെടാത്ത പോലെ പറഞ്ഞു.

 

“ അതൊക്കെ പോട്ടെ നീ ഇതുവരെ അവന്റെ പേര് പറഞ്ഞില്ല “

 

“ അവന്റെ പേരൊന്നും എനിക്കറിയില്ല “

 

“ യേ… അപ്പോ നീ അവനോട് ഒന്നും സംസാരിച്ചില്ലേ, അടുത്തുള്ള ആളുടെ പേര് പോലും ചോദിച്ചില്ലെന്ന് പറയുമ്പോ,, ശേ മോശായി പോയി “

 

അച്ഛൻ എന്നെ പിരി കേറ്റുന്നതാണ്.

 

“ ഞാനെങ്ങും ചോദിക്കാൻ പോയില്ല, പിന്നെ… എനിക്കതല്ലെ പണി “

 

ഞാൻ കുറച്ചു പുച്ഛം തിരിച്ചു കൊടുത്ത് പറഞ്ഞു.

 

“ എന്നാലും പേരെങ്കിലും ചോദിക്കായിരുന്നു “

 

“ ഓ പിന്നെ എനിക്കെന്തിനാ ഇപ്പൊ അവന്റെ പേരറിഞ്ഞിട്ട് കാര്യം. അവന്റെ പേരറിഞ്ഞിട്ട് ഇപ്പോ എനിക്കൊന്നും കിട്ടാനില്ല. അതാണ് ചോദിക്കാതെ ഇരുന്നത്. ഇനിയിപ്പോ അച്ഛന് അറിയണം എന്ന് നിർബന്ധം ആണേ ഞാൻ നാളെ ചോദിച്ചിട്ടു പറഞ്ഞേരാം പോരെ “

 

“ ഹോ നമ്മക്ക് അവന്റെ പേര് അറിയണമെന്നില്ലെ “

 

അച്ഛൻ എന്നെ നോക്കാതെ തോൽവി സമ്മതിച്ച പോലെ പറഞ്ഞു.

 

ആ പറച്ചിൽ കേട്ടതും എന്റെ ചുണ്ടിൽ അറിയാതെ ഒരു ചിരി വന്നു.

 

അങ്ങനെ ഓരോന്ന് സംസാരിച്ചു ഇരിക്കുമ്പോഴാണ് എന്റെ കാലിനിടയിൽ എന്തോ സോഫ്റ്റായ ഒന്ന് തൊട്ട് തലോടി സഞ്ചരിക്കുന്നതായി തോന്നിയത്. അതെന്താണ് എന്നറിയാൻ താഴോട്ട്‌ നോക്കി. എന്റെ കാലിനടിയിലായി മുട്ടിയുരുമ്മി കിങ്ങിണി പൂച്ച നടക്കുന്നു.

 

“ മ്യാവു… മ്യാവു “

ഞാൻ താഴോട്ട് നോക്കിയതും എന്നെ നോക്കി അവൾ മൊഴിഞ്ഞു.