ദേവലോകം 11 [പ്രിൻസ് വ്ളാഡ്] 595

ആ സമയം നകുൽ ജി എമ്മിന്റെ അടുത്ത് വന്ന് അയാളുടെ തോളിൽ കൈവച്ചു കൊണ്ടു പറഞ്ഞു..

ഡാഡി ,,ഇന്നല്ലെങ്കിൽ നാളെ അവളെ ഞാൻ സ്വന്തമാക്കും അതോടെ അവളുടെ പോർട്ടും,,, ബിസിനസും ,,പണവും എല്ലാം നമുക്ക് സ്വന്തം ….പറയുന്നതിനോടൊപ്പം അർജുനെ നോക്കി ഒന്ന് പുച്ഛിക്കാനും അവൻ മറന്നില്ല .

എന്നാൽ സഭാപതിയുടെ ഉള്ളിൽ ഭയം വന്നു നിറഞ്ഞു ..നകുലിനെ പോലെയല്ല അർജുൻ. പല പെണ്ണുങ്ങൾ അവൻറെ ജീവിതത്തിൽ വന്നു പോയെങ്കിലും ….അവൻ നെഞ്ചേറ്റുന്ന ഒരേയൊരു പെണ്ണേ ഉള്ളൂ ….ദക്ഷ …….അവളുടെ കാര്യത്തിൽ അവൻ സ്വാർത്ഥനാണ് .അർജുന്റെ മുന്നിൽ ഒരു നിമിഷം പോലും നകുലിന് പിടിച്ചുനിൽക്കാനാവില്ല.. അവൻറെ കവചം അവൻറെ ഡാഡിയാണ് ….ജി എം…. പക്ഷേ അയാൾ അർജുന് എതിരായാൽ തന്റെ നിലനിൽപ്പും പരുങ്ങലിലാവും …സഭാപതി ചിന്തിച്ചു .

എന്നെ ഏൽപ്പിച്ച ദൗത്യം ഞാൻ കൃത്യമായി ചെയ്തിട്ടുണ്ട് ….സാധനങ്ങൾ നമ്മുടെ ഗോഡൗണിൽ ഭദ്രമാണ് ….ബാക്കിയുള്ള കാര്യങ്ങൾ എനിക്കറിയില്ല എന്നോടാരും പറഞ്ഞിട്ടുമില്ല അതിന് ഉത്തരം പറയേണ്ട ബാധ്യതയും എനിക്കില്ല ..

അർജുൻ ജി എമ്മിന്റെ മുഖത്തുനോക്കി തന്നെ പറഞ്ഞു …

ജിഎം അടക്കം അവിടെനിന്ന എല്ലാവരും ഒരു നിമിഷം ഞെട്ടി…. അവൻറെ വാക്കിലെ മൂർച്ച തിരിച്ചറിഞ്ഞ് ജി എം തൻറെ സ്വരം മയപ്പെടുത്തി…. തൻറെ ആവനാഴിയിലെ ശക്തിയേറിയ അസ്ത്രങ്ങളിൽ ഒന്നാണ് അർജുൻ …അവനെ പിണക്കാൻ പാടില്ല.

ഞാൻ നിന്നെ കുറ്റപ്പെടുത്തിയതല്ല അർജുൻ ….ഈ നായ്ക്കളോടൊന്നും ഒന്നും പറഞ്ഞിട്ട് കാര്യമില്ല നിന്നോടാകുമ്പോൾ അതിനു വേണ്ടുന്ന മറുപടി നീ നൽകുമെന്ന വിശ്വാസം…. അതുകൊണ്ടാണ് നീ വിഷമിക്കേണ്ട ….ജി എം അർജ്ജുനെ സമാധാനിപ്പിച്ചു .

അതുകൊണ്ട് നകുലിന് ദേഷ്യം ഇരമ്പി വന്നു.. അവൻ മുഖം വെട്ടിച്ച് അടുത്തുള്ള മിനി ബാറിലേക്ക് പോയി ..സഭാപതി മെല്ലെ നകുലിന്റെ പിന്നാലെ പോയി ..

ചെന്ന ഉടനെ നകുൽ ഒരു കുപ്പി പൊട്ടിച്ച് അടി തുടങ്ങി …

അപ്പോൾ നീ വൈഗയെ വിട്ടോ?? സഭാപതി അവനോട് ആയി തിരക്കി …

അവളെ വിടാനോ …ഒരിക്കലുമില്ല …

……അപ്പോൾ ദക്ഷ ?????

എന്താ സഭാപതി അങ്കിളേ ….ഒരു രാജാവിന് രണ്ട് പട്ടമഹിഷിമാർ പാടില്ലേ ???

എനിക്ക് അവർ രണ്ടുപേരെയും വേണം… വൈഗയേയും ദക്ഷയെയും… ഒരുവൾ കാന്താരി ആണെങ്കിൽ മറ്റവൾ മധുരക്കരിമ്പാണ് …എനിക്കവരെ മാറിമാറി ആസ്വദിക്കണം …അവൻ സഭാപതിയോട് ആയി പറഞ്ഞു .

അവന്റെയൊരു കാന്താരിയും കരിമ്പും… ഒരുവൾ വെട്ടുകത്തി ആണെങ്കിൽ മറ്റവൾ ഇരുതല മൂർച്ചയുള്ള കോടാലിയാണ്.. ആ കോടാലിയെ പ്രേമിക്കുന്നവൻ ആണെങ്കിലോ ഒന്നാന്തരം ഒരു വാർ ഹാമറും അയാൾ അർജുനെ നോക്കി മനസ്സിൽ ഓർത്തു….. ആയുസ്സ് എത്താതെ മരിക്കാനാണ് നകുലെ നിൻറെ വിധി.. സഭാപതി ജാക്ക് ഡാനിയൽസ് ഓൺ ദി റോക്സ് എടുത്ത് ചുണ്ടോട് ചേർത്തു..

ഇതേ സമയം അവർക്ക് എന്ത് തിരിച്ചടി കൊടുക്കാം എന്നതിനെപ്പറ്റി ആലോചിക്കുകയായിരുന്നു ജി എം അർജുനാകട്ടെ എങ്ങനെ ദക്ഷയെ ഇതിൽനിന്ന് ഒഴിവാക്കാം എന്നതിനെപ്പറ്റിയും… അർജുൻ തന്നെ അതിനൊരു വഴിയും കണ്ടെത്തി …

ദക്ഷയ്ക് പോർട്ടിനോട് ചേർന്ന് ഒരു ഗോഡൗൺ ഉണ്ട് അവിടെ നിറയെ ചരക്ക് വരുന്ന സമയം നോക്കി നമുക്ക് കത്തിക്കാം… അവൻ ജിഎം നോട് ആയി പറഞ്ഞു .

എൻറെ കോടികൾക്ക് പകരം അവളുടെ ഒരു ഗോഡൗണോ ??അതുപോരാ അവൾ എന്നെന്നും ഓർത്തിരിക്കുന്ന ഒരു ശിക്ഷ തന്നെ അവൾക്ക് നൽകണം …