ദക്ഷാർജ്ജുനം 17 [Smera lakshmi] 105

“നിൽക്കമ്മേ….എനിക്ക് എന്റെ അമ്മയുടെ ഫോട്ടോ ഒന്നു കാണിച്ചു തരോ….അമ്മയുടെ കയ്യിൽ അതുണ്ടെന്നാണ് എന്നോട് സീതമ്മ പറഞ്ഞത്.”

ആനന്ദ് ദയനീയതോടെ പറഞ്ഞു.

അരുന്ധതി വാത്സല്യത്തോടെ അവന്റെ മുടിയിൽ തലോടി.

മോനിവിടെ ഇരിക്ക് ഞാനിപ്പോൾ വരാം.

എന്ന് വീണ്ടും പറഞ്ഞ് അകത്തേക്ക് കയറിപ്പോയി.

അവർ വരുന്നതും നോക്കി ആനന്ദ് അവിടെ ഇരുന്നു.

കുറച്ച് കഴിഞ്ഞു കയ്യിൽ ഒരു കവറുമായി അരുന്ധതി ആനന്ദിനരികിൽ വന്നിരുന്നു.

“അരുന്ധതിയുടെ കൈകളിലേക്ക് ആനന്ദ് ആകാംക്ഷയോടെ നോക്കി.”

“ഇതാ നീ എന്നോട് ചോദിച്ച നിന്റെ അമ്മയുടെ ഫോട്ടോ.”

“തട്ടിപറിച്ചെടുക്കുംപോലെ ആനന്ദ് അത് വാങ്ങി.”

“അവന്റെ കൈകൾ വല്ലാതെ വിറകൊള്ളുന്നുണ്ടായിരുന്നു.”

“ആ കവറിനുള്ളിൽ നിന്നും ഒരു ഫോട്ടോ അവൻ പുറത്തെടുത്തു.”

“പഴകി മഞ്ഞനിറം വ്യാപിച്ച ഒരു ഫോട്ടോ ആയിരുന്നു അതിൽ.”

ആനന്ദ് അതിലേക്ക് സൂക്ഷിച്ചു നോക്കി.

“സുന്ദരിയായ ഒരു പെൺകുട്ടി.
അവളുടെ ഇരുവശത്തുമായി രണ്ട് പുരുഷന്മാർ”.

“ആ പുരുഷന്മാരിൽ ഒരാളുടെ മുഖത്തേക്ക് അവൻ അന്ധാളിപ്പോടെ നോക്കി.”

“കഴുത്തിലേക്ക് ഇറങ്ങികിടക്കുന്ന മുടിയും ഭംഗിയുള്ള താടിയും.
അതു മാറ്റിയാൽ ആ ആൾക്ക് തന്റെ അതേ മുഖച്ഛായ ആണുള്ളത്.”

“ഇതാണോ എന്റെ അച്ഛൻ?”