ദക്ഷാർജ്ജുനം 17 [Smera lakshmi] 105

ആനന്ദ് ആ ശബ്ദം കേട്ട സ്ഥലത്തേക്ക് നോക്കി.

“തന്റെ അമ്മയുടെ പ്രായം തോന്നിക്കുന്ന വെളുത്ത് ഉയരം കൂടിയ തേജസ്സുള്ള ആഢ്യത്വം തുളുമ്പുന്ന ഒരു മദ്ധ്യവയസ്ക അവനെ വിളിച്ച് അടുത്തേക്ക് ഓടി വന്നു.”

“അവർ ആനന്ദിനെ ആപാദചൂഢംനോക്കി.
അവരുടെ കണ്ണുകൾ നിറഞ്ഞു തുളുമ്പിയിരുന്നു.”

വരൂ മോനേ….അകത്തേക്ക് വരൂ.

അവർ ആനന്ദിനെ കൂട്ടി അവരുടെ ഓഫീസ്റൂമിലേക്ക് കൊണ്ടുപോയി ഇരുത്തി.

“ആനന്ദിന് അത്ഭുതം തോന്നി.
ജനിച്ച് ദിവസങ്ങൾക്കകം ഇവിടെ നിന്ന് പോയ എന്നെ ഇവർക്കെങ്ങനെ മനസ്സിലായി?”

“ഇനി മറ്റാരെങ്കിലും ആണെന്ന് കരുതിയാണോ എന്നോടുള്ള ഈ സ്നേഹം?”

അവൻ ആലോചിച്ചു.

മോൻ എന്താണ് ആലോചിക്കുന്നതെന്ന് എനിക്ക് മനസ്സിലായി.

“നീ ആരാണ് എന്ന് മനസ്സിലാക്കിയിട്ട് തന്നെയാ ഞാൻ നിന്നെ ഇങ്ങോട്ട് കൊണ്ടുവന്നത്.”