ദക്ഷാർജ്ജുനം 17 [Smera lakshmi] 105

അതിൽ നിന്നിറങ്ങി അവൻ ചുറ്റുംനോക്കി.

“പലപ്രായത്തിലുള്ള കുഞ്ഞുങ്ങൾ അവിടെ കളിക്കുന്നുണ്ട്.
അവരുടെ കൂടെ യൂണിഫോം ധരിച്ച ഏതാനും സ്ത്രീകളും.”

അവൻ ആ കുഞ്ഞുങ്ങളെ നോക്കിച്ചിരിച്ചു.
അപ്പോൾ ചില കുഞ്ഞുങ്ങൾ അവനെയും നോക്കിച്ചിരിച്ചു.
ദേവാനന്ദിനെ കണ്ട് അവർ അവന്റെ അടുത്തേക്ക് വന്നു.

“ആ കുഞ്ഞുങ്ങളെ കണ്ടപ്പോഴാണ് താൻ വെറുംകയ്യോടെ ആണല്ലോ ഇങ്ങോട്ട് വന്നതെന്ന് വിഷമത്തോടെ അവനോർത്തത്.”

അവനെ കണ്ട ഒരു ചേച്ചി അവന്റെ അടുത്തേക്ക് വന്നു.

ആരാ….എന്തുവേണം?

അവർ ചോദിച്ചു.

ഞാൻ അരുന്ധതിയമ്മയെ കാണാൻ വന്നതാ….മാളികപ്പുരയ്ക്കലെ സീതയുടെ മകൻ വന്നിട്ടുണ്ടെന്ന് പറഞ്ഞാൽ അറിയും.

ആനന്ദ് പറഞ്ഞു.

ശരി ഞാൻ പറയാം.

അവർ അകത്തേക്ക് നടന്നു.

അപ്പോഴാണ് ആ വലിയ കെട്ടിടത്തിനുള്ളിൽ നിന്നും

“മോനേ….”

എന്നൊരു വിളികേട്ടത്.