ദക്ഷാർജ്ജുനം 17 [Smera lakshmi] 105

“എങ്ങനെയൊക്കെയോ അവരുടെ കണ്ണുവെട്ടിച്ച് അവൾ ഇരുട്ടിന്റെ മറപറ്റി വീടിന് പുറത്ത് കിടന്ന ഒരു കാറിന്റെ ഡിക്കിയിൽ ഒളിച്ചിരുന്നു.”

“തന്റെ കുഞ്ഞെങ്കിലും രക്ഷപെടണം എന്നു മാത്രമേ അപ്പോൾ അവൾ ചിന്തിച്ചത്.”

അൽപസമയം കഴിഞ്ഞപ്പോൾ ആ കാർ നീങ്ങാൻ തുടങ്ങി.

പക്ഷേ..

“കാർ കുറച്ച് ദൂരം നീങ്ങിയപ്പോഴേക്കും വിദ്യയ്ക്ക് പെയിൻ വരാൻ തുടങ്ങി.’

“ആവുന്നതുപോലെ വേദന അടക്കിപ്പിടിച്ചിരുന്നിട്ടും അറിയാതെ അവളുടെ കരച്ചിൽ പുറത്തേക്ക് വന്നു.”

“ഇതറിഞ്ഞ കാർ ഡ്രൈവർ അവളെ കാറിൽ നിന്ന് പിടിച്ച് പുറത്തേക്കിറക്കിവിട്ടു.
പിന്നെ അവളെങ്ങനെയൊക്കെയോ ഇവിടെ എത്തപ്പെട്ടു.”

ഇത്രയും ആണ് എനിക്കറിയാൻ കഴിഞ്ഞത്.

“ഇതെല്ലാം ഹരികൃഷ്ണനും വിദ്യയും താമസിച്ചിരുന്ന വീട്ടുടമസ്ഥൻ പറഞ്ഞ കാര്യങ്ങളാണ്.”

“അയാൾക്കും ഒന്നും ചെയ്യാൻ  കഴിഞ്ഞില്ലെന്നു പറഞ്ഞു.
പിന്നീടുണ്ടായ പോലീസ് കേസൊക്കെ ആരോ ഒതുക്കിത്തീർത്തു.”

അരുന്ധതി പറഞ്ഞു നിർത്തി.