ദക്ഷാർജ്ജുനം 15 [Smera lakshmi] 133

“മനുഷ്യരക്തവും ജീവൻ തുടിക്കുന്ന മനുഷ്യ ഹൃദയവും കഴിച്ചു അന്നത്തേതിന്റെ പതിന്മടങ്ങ് ശക്തി ഇപ്പോൾ അവൾ നേടിയിരിക്കുന്നു.”

 

ഇനി കാര്യത്തിലേക്ക് കടക്കാം.

 

ചുളിവുകൾ വീണ നെറ്റിതടത്തിൽ വിരലോടിച്ചു വേദവർമ്മൻ പറഞ്ഞു.

 

എല്ലാവരും അദ്ദേഹം പറയാൻ പോകുന്നത് എന്താണെന്നറിയാൻ ആ മുഖത്തേക്ക് ഉറ്റുനോക്കി.

 

“എത്രയും പെട്ടെന്ന് അർജ്ജുനനേയും ദക്ഷയെയും ബന്ധിക്കണം.

എന്നന്നേക്കുമായി.

ഇനി ഒരു തിരിച്ചുവരവില്ലാത്ത വിധത്തിൽ.”

 

അതുകേട്ട് മഹാദേവനും വിഷ്ണുവിനും സമാധാനമായി.

പക്ഷേ….വസു ഒന്നും മിണ്ടിയില്ല.

 

വസൂ നീ എന്താ ആലോചിക്കുന്നത്.

 

അദ്ദേഹം ചോദിച്ചു.

 

മുത്തശ്ശ….

 

“അവരെ ബന്ധിക്കുന്നതിന് മുൻപ് അർജ്ജുനേട്ടനേയും ദക്ഷയെയും എനിക്കൊന്ന് കാണണം.

എനിക്ക് അവരോട് സംസാരിക്കണം.”

 

അതു പറഞ്ഞ് വസുന്ധര വിങ്ങിപ്പൊട്ടി.