ഡെറിക് എബ്രഹാം 17 [അഹമ്മദ് ശഫീഖ് ചെറുകുന്ന്] 231

“ഓക്കേ സാർ…ഞാൻ ശ്രദ്ധിച്ചേക്കാം ”

അങ്ങനെ , അധികം വൈകാതെ തന്നെ ഡെറിക് , അമൃതയേയും ആതിരയേയും കൂട്ടി മാമിയുടെ വീട്ടിലേക്ക് പോയി…. കുട്ടികളെയും കൂട്ടി വരുന്നത് ആദ്യമേ വിളിച്ചു പറഞ്ഞതിനാൽ മാമിയും മീരയും കൂട്ടരുമൊക്കെ അവരെ ആഘോഷത്തോടെ സ്വാഗതം ചെയ്തു….. എല്ലാം കണ്ടറിഞ്ഞു മനസ്സിലാക്കി ചെയ്യുന്ന ജൂഹിയും കീർത്തിയും , ആ കുട്ടികൾക്ക് നല്ല കൂട്ടായി..മുഴുവൻ സമയവും അവരുടെ കൂടെ തന്നെയായിരുന്നു അവർ രണ്ടു പേരും…
അങ്ങനെ , ജീവിതത്തിൽ ആദ്യമായി അമൃതയും ആതിരയും ശരിക്കും സന്തോഷമെന്തെന്നറിഞ്ഞു….

പിറ്റേന്ന് രാവിലെ തന്നെ ഡെറിക് കുട്ടികളുമായി അവിടെ നിന്നിറങ്ങി….തലേന്ന് അവരുണ്ടായ വീട്ടിലേക്ക് തന്നെയായിരുന്നു പോയത്….
ഡെറിക്കൊഴികെ ബാക്കി മൂന്ന് പേരും അന്ന് ആ വീട്ടിലായിരുന്നു താമസിച്ചത്….
ഡെറിക്കും കുട്ടികളും എത്തുമ്പോഴേക്കും അമൃതയുടെയും ആതിരയുടെയും കൂടെയുണ്ടായ നാല് പെൺകുട്ടികൾ അല്ലാതെ മറ്റു കുട്ടികളൊക്കെ രക്ഷിതാക്കളുടെ കൂടെ പോയിരുന്നു…
അമൃതയുടെയും ആതിരയുടെയും അമ്മ തലേന്ന് രാത്രി തന്നെ എത്തിച്ചേർന്നിരുന്നു…
എന്നാലും കുട്ടികളെ ഡെറിക് അവർക്ക് കാണിച്ചു കൊടുത്തില്ല…അധികം വൈകാതെ അമ്മയെയും നാല് പെൺകുട്ടികളെയും കൂട്ടി ഗീത അഞ്ജലിയുടെ ഹോസ്പിറ്റലിലേക്ക് പോയി….പിന്നാലെ തന്നെ , അമൃതയേയും ആതിരയെയും അജിത്തിന്റെ കൂടെയും പറഞ്ഞയച്ചു…

അതിന് ശേഷം സേവിയറെയും കൂട്ടി ഡെറിക് കമ്മീഷണറുടെ ഓഫീസിലേക്ക് പോയി..