ഡെറിക് എബ്രഹാം 17 [അഹമ്മദ് ശഫീഖ് ചെറുകുന്ന്] 231

അവരുടെ അമ്മയെ ഇവിടെ എത്തിക്കാനുള്ള ഏർപ്പാട് ചെയ്യണം….
അതായത് നമ്മുടെ വണ്ടിയിൽ തന്നെ അവരെ കൊണ്ടു വരണം… ആരോരുമില്ലാത്ത അമ്മയാണ്….
അവരോട് ഞാൻ വിശദമായി ഒന്നും പറഞ്ഞിട്ടില്ല…കുട്ടികൾ സുരക്ഷിതരായി ഇവിടെയുണ്ടെന്നേ പറഞ്ഞുള്ളൂ…”

“ഓക്കേ ഡെറിക്….എന്റെ സുഹൃത്തുക്കളുണ്ട് ആ പ്രദേശത്ത്…
അവർ വഴി ഞാൻ ചെയ്തോളാം ”

അതൊക്കെ കേട്ടു നിൽക്കുന്നുണ്ടായിരുന്ന കമ്മീഷണർ അപ്പോഴാണ് ഒരു കാര്യം ഓർത്തത്….

“ഡെറിക്….
ആ കുട്ടികളെ രക്ഷിതാക്കളുടെ കൂടെ പറഞ്ഞു വിട്ടാൽ ശരിയാവോ..? ”

“ഇല്ല സാർ….
അങ്ങനെ പറഞ്ഞു വിടാനും ഉദ്ദേശമില്ല….
എന്റെ ഒരു സുഹൃത്ത് ഇവിടെ ചൈന്നൈയിൽ സൈക്കാർട്ടിസ്റ്റായി ജോലി ചെയ്യുന്നുണ്ട്…
ഡോക്ടർ അഞ്ജലി…
നാട്ടിലെ എന്റെ അയൽവാസിയുമാണ്…
അവളുടെ കൗൺസിലിങ് ചെന്നൈയിൽ പ്രശസ്തമാണ്…
അവളോട് ഞാൻ കാര്യം പറഞ്ഞിട്ടുണ്ട്….. ഈ ആറ് കുട്ടികളെയും രക്ഷിതാക്കളെയും അവളുടെയടുത്ത് കൊണ്ടു പോകണം…രക്ഷിതാക്കളോട് കാര്യങ്ങളൊക്കെ അവൾ അവതരിപ്പിക്കാമെന്നാണ് പറഞ്ഞിട്ടുള്ളത്..
ഒരു കണക്കിന് , നമ്മൾ പറയുന്നതിനേക്കാൾ നല്ലത് അതാണ്‌…
അവരാണെങ്കിൽ അതിന്റേതായ രീതിയിൽ പറഞ്ഞോളും….”

“ഓക്കേ ഡെറിക്.. അതാണ് നല്ലത്….