ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

“ക്ഷമിക്കണം സാർ… എന്റെ മോർണിംഗ് അത്ര നല്ലതല്ല…”

” അതെന്ത് പറ്റി… താനിരിക്ക്… ”

“പോലീസ് എന്ന് പറയുന്നത് നാട്ടുകാരെ സേവിക്കാനാണ് സാർ.. അല്ലാതെ മാഫിയ ഗുണ്ടകളുടെ കൂട്ടിക്കൊടുപ്പുകൾക്ക് കൂട്ട് നിൽക്കാനുള്ളതല്ല..”

“എന്തൊക്കെയാടോ താനീ പറയുന്നത്….? ”

“എന്റെ ചേച്ചി സ്വന്തം ജീവൻ പണയം വെച്ചിട്ടാണ് സ്റ്റീഫന്റെ കീഴിലുള്ള പെൺവാണിഭ സംഘത്തിനെതിരെ കേസ് നടത്തിയത്….. ശിക്ഷിക്കപ്പെട്ടത് സെൽവം, തങ്കരാജൻ, പൗർണ്ണമി, ബാബു എന്നീ നാല് പേർ….പേര് പോലും എനിക്കിന്നും ഓർമയുണ്ട്….പക്ഷേ , ജീവപര്യന്തം ശിക്ഷ ലഭിച്ച അവരുടെ രേഖകൾ നിങ്ങളുടെ കീഴിലുള്ള പോലീസ് സ്റ്റേഷനിൽ ഇല്ല…. ജയിലിലെ റെക്കോർഡ്സ് എടുത്ത് നോക്കിയപ്പോൾ അങ്ങനെയൊരു കൂട്ടർ ആ ഭാഗത്ത് എത്തിപ്പെട്ടിട്ടേയില്ല…. ഇതിൽ നിന്ന് ഞാനെന്താണ് മനസ്സിലാക്കേണ്ടത് സാർ….? ”

“ഓഹ്… ആ കേസിനെ കുറിച്ചാണോ താൻ പറയുന്നത്..? ”

” അതെന്താണ് സാർ.. ഇതൊന്നും നിങ്ങൾക്ക് വിഷയമല്ലേ…

ഈയൊരു കേസിന്റെ പേരിലാണ് എന്റെ കുടുംബം നശിച്ചത്… ഞാനും എന്റെ കുട്ടികളും ആരുമില്ലാത്തവരായത്….”

“ഡെറിക്…ആദ്യം താനിവിടെയിരിക്കൂ….”