ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

അവിടുത്തെ ക്യാമറ ആരോ ഹാക്ക് ചെയ്തിട്ടുണ്ടായിരുന്നു….പെട്ടെന്ന് തന്നെ അവിടുന്നിറങ്ങി , അതിനടുത്തുള്ള വേറൊരു കെട്ടിടത്തിലെ CCTV പരിശോധിച്ചപ്പോഴും ഫലം ഒന്ന് തന്നെയായിരുന്നു…അപ്പോഴേക്കും കമ്മീഷണറുടെ വിളി വന്നു…താമസിയാതെ അവൻ സ്കൂളിനകത്തേക്ക് കയറി….

കമ്മീഷണർ അവനെ കാത്ത് ജീപ്പിൽ തന്നെയുണ്ടായിരുന്നു..അധികം വൈകാതെ തന്നെ അവരവിടുന്ന് ഓഫീസിലേക്ക് പുറപ്പെട്ടു….

“എന്താണ് ഡെറിക്…താനെവിടേക്കാണ് പോയത്….? സൂചന വല്ലതും കിട്ടിയിട്ടുണ്ടായിരുന്നോ….? ”

“സാറിന് ഞാൻ വിശദമായി എല്ലാം പറഞ്ഞു തരാം….അതിന് മുമ്പ് ഇവിടെ ഇതേ രീതിയിൽ വല്ല കേസും മുമ്പ് റിപ്പോർട്ട്‌ ചെയ്തിട്ടുണ്ടോ എന്ന് പരിശോധിക്കാൻ പറ്റുമോ.. ? ”

“ഇല്ല….ഇങ്ങനെയുള്ള പരാതി ഇത് വരെ നമുക്ക് ലഭിച്ചിട്ടില്ല….”

“പരാതി കിട്ടിയിട്ടുണ്ടോ എന്നല്ല… അത് കിട്ടിയാൽ തന്നെ ചവറ്റുകൊട്ടയിലേക്കുള്ള വഴി പറഞ്ഞു കൊടുക്കാൻ മിടുക്കരായ പോലീസുകാരുണ്ടല്ലോ സാർ നിങ്ങളുടെ ഡിപ്പാർട്മെന്റിൽ….

ഇങ്ങനെയൊരു സംഭവം ഉണ്ടായിട്ടുണ്ടോ എന്നാണ് അറിയേണ്ടത് ”