ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

“അപ്പോൾ ചേച്ചി ജീവപര്യന്തം ശിക്ഷ വാങ്ങിക്കൊടുത്ത കേസ് എവിടെ….? ”

” ആ കേസാണ് അനുപമ മാഡത്തിനെ മരണത്തിലേക്ക് നയിച്ചതെന്ന് എനിക്കറിയാമായിരുന്നു…അത് കൊണ്ട് തന്നെ , ആ കേസ് നടന്ന പരിധിയിലുള്ള സ്റ്റേഷനിലേക്ക് ഞാൻ ഇന്നലെ പോയിരുന്നു….

പക്ഷേ ശരിക്കും ഞാൻ ഞെട്ടിപ്പോയി….

പോലീസിന്റെ രേഖകളിൽ അങ്ങനെയൊരു കേസ് ഡയറി തന്നെയില്ല…ആ കേസിനെ കുറിച്ച് ദിനപത്രങ്ങളിൽ വന്ന വാർത്ത കാണിച്ചപ്പോൾ വളരെ ബാലിശമായാണ് അവർ പ്രതികരിച്ചത്….

ആ കേസിന്റെ രേഖകളൊക്കെ നഷ്ടപ്പെട്ടുവെന്ന് പറഞ്ഞും കൊണ്ട് അവർ കൈമലർത്തുകയാണുണ്ടായത്…

പിന്നീട് നേരെ പോയത് ജയിലിലേക്കായിരുന്നു… അവിടുന്നെങ്കിലും എന്തെങ്കിലുമൊരു തുമ്പ് കിട്ടുമെന്ന വിശ്വാസമുണ്ടായിരുന്നു…..

പക്ഷേ , അവിടുത്തെ റെക്കോർഡ്സൊക്കെ നോക്കിയപ്പോൾ അങ്ങനെയൊരു സംഭവമേ നടന്നിട്ടില്ല എന്ന അവസ്ഥയായിരുന്നു…അങ്ങനെയൊരു കേസിനെ കുറിച്ചോ ശിക്ഷിക്കപ്പെട്ടവരെ കുറിച്ചോ ജയിൽ സൂപ്രണ്ടിന് പോലും അറിവുണ്ടായിരുന്നില്ല ”

ഇത് കേട്ട ഡെറിക്കിന്റെ നരമ്പുകൾ തിളച്ചു….സേവിയറിന്റെ കയ്യിലുള്ള പേപ്പർ കട്ടിങ്ങുകൾ അടങ്ങിയ ഡോക്യൂമെന്റസ് പിടിച്ചു വാങ്ങിക്കൊണ്ട് എല്ലാ അരിശത്തോടും കൂടി കമ്മീഷണറുടെ ഓഫീസിലേക്ക് നടന്നു…

” ഗുഡ് മോർണിംഗ് ഡെറിക് ”