ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

” ഓക്കേ..പക്ഷേ, ഇവിടെ എന്താ പ്രശ്നം സാർ..? ”

“അതൊക്കെ പറയാം…പെട്ടെന്ന് തന്നെ വരണം… ഞാൻ അകത്തുണ്ടാകും..”

അതും പറഞ്ഞു കൊണ്ട് കമ്മീഷണർ പുറത്തേക്കിറങ്ങി…. മാധ്യമപ്രവർത്തകർ ചോദ്യശരങ്ങളുമായി പൊതിഞ്ഞുവെങ്കിലും , അവരുടെ മുന്നിൽ നിന്ന് കൊടുക്കാതെ അദ്ദേഹം വേഗം അകത്തേക്ക് കയറി…

സത്യം പറഞ്ഞാൽ ഡെറിക്കിന് അപ്പോഴും അവിടെയെന്താണ് നടക്കുന്നതെന്ന് മനസ്സിലാകുന്നുണ്ടായിരുന്നില്ല..

മാധ്യമങ്ങളുടെ ശ്രദ്ധ മാറിയപ്പോൾ അവൻ ജീപ്പിൽ നിന്നും പുറത്തിറങ്ങിയിട്ട് മെല്ലെ അകത്തേക്ക് കയറി… മാധ്യമങ്ങൾക്ക് പ്രവേശനമില്ലായിരുന്നുവെങ്കിലും കമ്മീഷണർ പറഞ്ഞത് പ്രകാരം ഡെറിക്കിന് അകത്തേക്ക് കയറാൻ അനുമതി കിട്ടി…

ഒരു വലിയ വരാന്തയിലായിരുന്നു ഡെറിക് എത്തിച്ചേർന്നത്…. കുറച്ചു പോലീസുകാർ അവിടെയുണ്ടായിരുന്നുവെങ്കിലും , കമ്മീഷണറെ കാണുന്നുണ്ടായിരുന്നില്ല…പക്ഷേ , എവിടെന്നൊക്കെയോ കരച്ചിലും ബഹളങ്ങളും കേൾക്കുന്നുണ്ട്.. ശബ്ദം കേട്ട ഭാഗം ലക്ഷ്യമാക്കി അവൻ മുന്നോട്ടേക്ക് നടന്നു…അവസാനം പ്രിൻസിപ്പലിന്റെ ഓഫീസിന് മുന്നിലാണ് എത്തിയത്…അവൻ പതിയെ അകത്തേക്ക് പ്രവേശിച്ചു…