ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

” ചെയ്തു…. അവന് സംഭവുമായി യാതൊരു ബന്ധവുമില്ല ”

കമ്മീഷണറുടെ വാക്കുകൾ കേട്ടിട്ട് ഡെറിക്കിന് വല്ലാത്തൊരു വീർപ്പുമുട്ടൽ തോന്നി….മനസ്സിൽ എന്തൊക്കെയോ സംശയങ്ങൾ അവനെ അലട്ടുന്നുണ്ടെന്ന് അവന്റെ മുഖഭാവത്തിൽ നിന്ന് തന്നെ വ്യക്തമായിരുന്നു…..

“എന്താണ് ഡെറിക്…. തനിക്കെന്തെങ്കിലും സംശയമുണ്ടോ…?”

“സാർ…. ഇവിടെയുള്ള CCTV ദൃശ്യങ്ങൾ പരിശോധിച്ചോ….? ”

“ഗവണ്മെന്റ് സ്കൂളിൽ എന്ത് CCTV….?

അങ്ങനെയുള്ള ആചാരങ്ങളൊന്നും ഇവിടെയില്ല ”

സംഭവത്തിന്റെ വിശദാംശങ്ങൾ അറിഞ്ഞതിന് ശേഷം

ഡെറിക് പെട്ടെന്നവിടുന്ന് പുറത്തേക്കിറങ്ങി…സ്കൂളിന്റെ ചുറ്റുപാടും നിരീക്ഷിച്ചു…പിന്നീട് , ഗേറ്റിന് പുറത്തേക്കിറങ്ങി…ചുറ്റുമൊന്ന് നോക്കിയപ്പോൾ അവിടെയടുത്തുള്ള വീട്ടിൽ ക്യാമറ കണ്ടു….അപ്പോൾ തന്നെ അവനാ വീട്ടിലേക്ക് കയറി CCTV പരിശോധിച്ചു….പക്ഷേ, നിരാശയായിരുന്നു ഫലം…