ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

ചെട്ടിയാർക്ക് വേണ്ടി ഹവാല പണം നല്ലോണം ഒഴുകുന്നുണ്ടെന്ന വിവരം എനിക്ക് കിട്ടിയിട്ടുണ്ടായിരുന്നു….

അയാൾക്ക് ഹവാല പണമെത്തിക്കുന്ന ഒരാളുടെ സുഹൃത്തായിരുന്നു അശ്വിന്റെ അനിയനെന്ന് സംസാരത്തിനിടയിൽ അദ്ദേഹം പറഞ്ഞിരുന്നു..

അശ്വിൻ തന്റെ സാമർഥ്യം കൊണ്ട് ,അനിയൻ വഴി ചെട്ടിയാരുടെ വീട്ടിൽ കയറിപ്പറ്റി…അദേഹത്തിന്റെ ഭൂതകാലം വ്യക്തമാക്കാതെയായിരുന്നു ചെട്ടിയാരുടെ വീട്ടിലേക്ക് എത്തിച്ചേർന്നത്….

ആദ്യമാദ്യം അയാളുടെ ഡ്രൈവറായും വിശ്വാസപരമായ മനോഹര നീക്കങ്ങളിലൂടെ ചെട്ടിയാരുടെ ഏറ്റവും വിശ്വസ്തൻ എന്ന പേരും നേടിയെടുത്തു… അദേഹത്തിന്റെ കഠിനപരിശ്രമത്തിലൂടെയാണ് എനിക്കീ വിവരങ്ങളൊക്കെ കിട്ടിയത്…ചെട്ടിയാർ അദ്ദേഹത്തോട് തുറന്നു പറയാത്ത കാര്യങ്ങളൊക്കെ അയാളുടെ മുറിയിൽ വോയിസ്‌ റെക്കോർഡർ വെച്ചും , അയാളുടെ മകനോടും ഭാര്യയുമായുള്ള അടുപ്പം വഴിയും വളരെ വിദഗ്ധമായി തന്നെ , നാടിന് കാവലാളായിരുന്ന ആ പട്ടാളക്കാരൻ കണ്ടു പിടിച്ചു…”

ഡെറിക്കിന്റെ വാക്കുകൾ കേട്ടു അവരെല്ലാവരും തരിച്ചു നിന്നു…. സഹപ്രവർത്തകർ മാത്രമല്ല , അവന്റെ എല്ലാ കഥകളും അറിയുന്ന കമ്മീഷണർക്ക് പോലും ആ ഒരു അറിവ് വല്ലാത്തൊരു ഷോക്കായിരുന്നു….

“ഡെറിക്…. അപ്പോൾ ഈ കാര്യങ്ങളൊക്കെ മധുവിനറിയാമായിരുന്നോ….? ”

“എനിക്കും അശ്വിനുമല്ലാതെ മൂന്നാമതൊരാൾക്ക് ഇതറിയില്ല… എന്തിന് പറയുന്നു, അദ്ദേഹത്തെ പരിചയപ്പെടുത്തിത്തന്ന എന്റെ സുഹൃത്തിന് പോലും….”