ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

അത് പോലെ തന്നെ കുട്ടികളെ തട്ടിക്കൊണ്ട് പോകുന്ന ആ ക്വട്ടേഷൻ ടീമിനറിയില്ലായിരുന്നു , ആർക്ക് വേണ്ടിയാണവരിതൊക്കെ ചെയ്യുന്നതെന്ന്…അത് കൊണ്ട് തന്നെ അവർ പിടിക്കപ്പെട്ടാലും പോലീസിന് അവരെ കടന്നു ഒരു പടി മുന്നോട്ട് പോകാൻ പറ്റില്ലായിരുന്നു….

അത്രയും മനോഹരമായാണ് അവൻ ചെറുതും വലുതുമായ ഓരോ കാര്യങ്ങളും ആസൂത്രണം ചെയ്യുന്നത്…

ഇന്നത്തെ രീതി കണ്ടപ്പോൾ അവൻ തന്നെയാകുമെന്ന് തന്നെയാണ് ഞാൻ കരുതിയത്….

പക്ഷേ, കേരളത്തിൽ അങ്ങനെയൊരു സംഭവം നടന്നില്ലെന്ന് കേട്ടപ്പോൾ നിരാശയായി…പക്ഷേ, ചുരുങ്ങിയ നിമിഷങ്ങൾ കൊണ്ട് തന്നെ സ്റ്റീഫൻ തന്നെയാണെന്ന് മനസ്സിലായല്ലോ….

വിചാരിച്ചതിനേക്കാൾ വേഗത്തിൽ അവന്റെയടുത്ത് എത്താൻ സാധിക്കുമെന്ന പ്രതീക്ഷ വീണ്ടുമെന്നിൽ സംജാതമായിട്ടുണ്ട്…..”

ഡെറിക് പറയുന്ന കാര്യങ്ങൾ ഏറെ അത്ഭുതത്തോടെയും അതിലേറെ അമ്പരപ്പോടെയുമാണ് എല്ലാവരും കേട്ടു കൊണ്ടിരുന്നത്…

” സ്റ്റീഫന് വേണ്ടി ഇതൊക്കെ ചെയ്യാൻ ഒരു കൂട്ടം ആൾക്കാർ തന്നെയുണ്ടായിരുന്നു…തട്ടിക്കൊണ്ടു പോകലൊക്കെ അത്രയും വിദഗ്ധമായിട്ടാണ് പ്ലാൻ ചെയ്യുന്നത്…. ഇവർ പ്ലാൻ ചെയ്യുന്ന ഏരിയയിലെ CCTV ഹാക്ക് ചെയ്യാൻ തന്നെ ഒരു ടീം ഉണ്ടായിരുന്നു…കുട്ടികൾ നടന്നു പോകുന്ന വഴി പോലും അവരുടെ പ്ലാനിങ്ങിൽ കൃത്യമായി അടയാളപ്പെടുത്തിയിട്ടുണ്ടാകും….എവിടെ വെച്ചിട്ട് അവരെ പിടികൂടണം എന്ന് പോലും വ്യക്തമായി പ്ലാൻ ചെയ്തു വെക്കും…. അവിടെയുള്ള CCTV ക്യാമറകൾ സംഭവം നടക്കുന്ന സമയത്ത് മാത്രമാണ് ഹാക്ക് ചെയ്യപ്പെടുന്നത്..

അത് കൊണ്ട് തന്നെ , ഹാക്ക് ചെയ്യപ്പെട്ടുവെന്ന് പോലീസിന് മനസ്സിലാക്കാൻ പറ്റില്ല…