ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

അന്വേഷണം ഊർജമാക്കിയതിലൂടെ സ്റ്റീഫൻ ചെട്ടിയാരെ വെച്ചു നടത്തുന്ന ഓരോ കൃത്യങ്ങളുടെയും സ്വഭാവം മനസ്സിലാക്കാൻ പറ്റി….

ഓരോ ഇടവേളകളിൽ സ്റ്റീഫൻ തട്ടിക്കൊണ്ടു പോകുന്ന രീതിയിൽ മാറ്റം വരുത്തുമായിരുന്നു…അവസാനം നടന്ന രണ്ട് മൂന്ന് തട്ടിക്കൊണ്ടു പോകൽ നടന്നത് ഇന്ന് നടന്നത് പോലെയാണ്…

ഞാൻ ചാർജെടുത്തപ്പോൾ അവൻ ഈ രീതി മാറ്റുമോ എന്നൊരു ഭയമുണ്ടായിരുന്നു…മാറ്റിയാൽ പിന്നെ അവനിലേക്ക് എത്തിച്ചേരാൻ പിന്നെയും വൈകും….

എങ്ങനെ തുടങ്ങണമെന്ന് ചിന്തിച്ചിരിക്കുമ്പോഴാണ് ഈ കേസ് മുന്നിൽ വന്നത്…”

“ഈ രീതി മാറ്റുമോ എന്ന ഭയമെന്ന് പറഞ്ഞില്ലേ….അതെന്താണ് ഡെറിക്…? ”

“കേരളത്തിലെയും തമിഴ്നാട്ടിലെയും ഏതെങ്കിലും ഒരു സ്ഥലത്ത് വെച്ചു ഒരേ ദിവസം ഒരേ സമയത്ത് കുട്ടികളെ തട്ടിക്കൊണ്ടു പോകലായിരുന്നു അവന്റെ പുതിയ രീതി…. അവന്റെ പ്രധാന ഇരകൾ പെൺകുട്ടികളും ചെറിയ കുട്ടികളുമായിരുന്നു….

വേറെയുമുണ്ട് പ്രത്യേകത…കേരളത്തിൽ വെച്ചു ചെറിയ കുട്ടികളാണെങ്കിൽ തമിഴ്നാട്ടിൽ മുതിർന്ന പെൺകുട്ടികളായിരിക്കും അവന്റെ ഇരകൾ…. കേരളത്തിൽ പെൺകുട്ടികളാണെങ്കിൽ തമിഴ്നാട്ടിൽ ചെറിയ കുട്ടികളും അവന്റെ കെണിയിലകപ്പെടും…..

അതിനായി അവൻ ഉപയോഗിക്കുന്നത് പുറത്തുള്ള ക്വട്ടേഷൻ ടീമിനെയാണ്….അവർക്ക് ക്വട്ടേഷൻ കൊടുക്കുന്ന രീതി തന്നെ വ്യത്യസ്തമാണ്…. ഫോണൊന്നും ഉപയോഗിക്കാതെ പണ്ട് കാലത്തെ ഓർമിപ്പിക്കുന്ന രീതിയിൽ ദൂതന്മാരെ അയച്ചാണ് അവൻ ഓപ്പറേഷൻ നിയന്ത്രിക്കുന്നത്….