ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

“സ്കൂളിൽ നിന്ന് വിളിച്ചു പറയാൻ ചാൻസില്ല….അവരുടെ സല്പേരിന് കോട്ടം വരുന്നത് ചെയ്യാൻ അവർ നിൽക്കില്ലല്ലോ….പിന്നെ വേറൊരു സംശയം കൂടിയുണ്ട്…. സാർ ഒന്ന് അന്വേഷിച്ചു നോക്ക് ”

കമ്മീഷണർ അപ്പോൾ തന്നെ പ്രിൻസിപ്പലിനെ വിളിച്ചു കാര്യങ്ങൾ അന്വേഷിച്ചു…

“ഡെറിക്…. നിന്റെ ഊഹം ശരിയാണ്….. മീഡിയയെ അറിയിച്ചതല്ല… എന്തോ ഒരു ഡോക്യുമെന്റ് ഷൂട്ടിങ് സംബന്ധമായി , ഏതോ ഒരു ചാനൽ ടീം സ്ക്കൂളിൽ ഉണ്ടായിരുന്നു… അപ്പോഴാണ് സംഭവം നടക്കുന്നത്….അതായത് ഇങ്ങനെയൊക്കെ നടന്നത് എല്ലാവരും അറിയുന്ന സമയത്ത് അവരവിടെ ഉണ്ടായിരുന്നു ”

“അങ്ങനെ പറ… എനിക്കും അവിടെയാണ് കൺഫ്യൂഷൻ ഉണ്ടായത്…. അവരുടെ മുമ്പ് നടന്ന പദ്ധതികളിലൊന്നും മീഡിയയുടെ സാന്നിധ്യമുള്ള ഒരു രംഗം പോലുമുണ്ടായിട്ടില്ല….”

” എന്താണ് താൻ പറയുന്നത് ഡെറിക്….

എനിക്കൊന്നും മനസ്സിലാകുന്നില്ല…എന്താണിവിടെ സംഭവിക്കുന്നത്…..?

തനിക്ക് പറയാൻ പറ്റുമെങ്കിൽ പറ…അല്ലെങ്കിൽ തന്നെ തലയാകെ ചൂട് പിടിച്ചിട്ടാണുള്ളത്…”