ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

“ആദ്യത്തേത് കഴിഞ്ഞ മാർച്ച്‌ മാസം തഞ്ചാവൂർ മെഡിക്കൽ കോളേജിലെ നാല് പെൺകുട്ടികൾ, അടുത്തത് രണ്ട് മാസം മുമ്പ് ചെന്നൈയിൽ തന്നെ മൈലാപ്പൂർ വിമൻസ് ഹോസ്റ്റലിലെ മൂന്ന് പെൺകുട്ടികൾ….

ഇതല്ലേ സാർ..? ”

ഡെറിക് പറഞ്ഞത് കേട്ട് കമ്മീഷണർ ശരിക്കും സ്തബ്ധനായിപ്പോയി… അദ്ദേഹം ശ്വാസമടക്കി പിടിച്ചും കൊണ്ട് ഡെറിക്കിന്റെ അരികിലേക്ക് നടന്നു….

“ഡെറിക്… തനിക്കിതെങ്ങനെ അറിയാം… പോലീസിന്റെ ഹിസ്റ്ററിയിൽ പോലുമില്ലാത്ത വിവരങ്ങൾ നിനക്കെവിടുന്നു കിട്ടി….? ”

“ഈ ഡെറിക് എബ്രഹാം കഴിഞ്ഞ രണ്ട് വർഷം ചെലവാക്കിയത് വെറും ട്രെയിനിങ്ങിന് വേണ്ടി മാത്രമായിരുന്നില്ല സാർ…”

” മനസ്സിലായില്ല…? ”

“മനസ്സിലാക്കിത്തരാം സാർ…അതിന് മുമ്പ് എനിക്കൊരു വാർത്ത കൂടി വരാനുണ്ട്… അത് കൂടി വരട്ടെ ”

അപ്പോഴേക്കും ഓഫീസിലെ ഫോണും റിങ് ചെയ്തു…. അജിത് ഫോണെടുത്തു… മറുതലയ്ക്കൽ നിന്ന് കേട്ട വിവരങ്ങൾ കേട്ടപ്പോൾ അജിത്തിന് സ്വനിയന്ത്രണം നഷ്ടപ്പെട്ടു പോയി… അവന്റെ കൈയിൽ നിന്ന് ഫോൺ താഴെ വീണു…ആ ഞെട്ടലോട് കൂടി അവൻ ഡെറിക്കിനെ നോക്കി….