ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

“അതല്ല…സേവിയർ പറഞ്ഞത് പോലെ, ഒന്നിനും ശിക്ഷിക്കപ്പെട്ടില്ലെങ്കിലും ഇവിടെയുണ്ടായിരുന്ന കേസുകളും , ഡെറിക്കും മധു സാറും തന്ന വിവരങ്ങളുമൊക്കെ അവസാനം ചെന്നു നിൽക്കുന്നതൊക്കെ ഒരേയൊരാളിലേക്കാണ്….”

“ബാലദണ്ഡപാണി ചെട്ടിയാർ… അല്ലേ….? ”

“അതെ…. ഡെറിക്കിന് അറിയാമായിരുന്നോ അത് ? ”

“ഹ്മ്മ്…. ഇവിടുത്തെ നാട്ടുപ്രമാണികളിൽ മുഖ്യൻ….ഇവിടുത്തെ പോലീസും കോടതിയുമൊക്കെ അയാളാണ്…. ഇവിടുത്തെ ജനങ്ങൾ എങ്ങനെ ജീവിക്കണമെന്നും ഈ നാട്ടിൽ എന്തൊക്കെ നടക്കണമെന്നും തീരുമാനിക്കുന്നത് അയാളാണ്….

അയാളുടെ അധീനതയിലാണ് ചെന്നൈ നഗരം….

അല്ല…. തമിഴ്നാട്ടിലെ ഭൂരിഭാഗവും”

“അതെ ഡെറിക്….മയക്കു മരുന്ന്, ഭിക്ഷാടനം, പെൻവാണിഭം, സ്വത്തു തർക്കം,കൊട്ടേഷൻ എന്ന് വേണ്ട… എല്ലാ കുറ്റകൃത്യങ്ങളും അവസാനം എത്തിച്ചേരുന്നത് അയാളിലേക്കാണ്…. പക്ഷേ, അയാളുടെ പേര് ഇവിടുത്തെ സ്റ്റേഷനുകളിലെ രേഖകളിലൊന്നുമില്ല…. നിങ്ങൾ തയ്യാറാക്കിയവയിൽ മാത്രമാണ് ഇത് കാണുന്നത്…”