ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

” നമ്മൾ കലക്ക് വെള്ളത്തിൽ മീനിനെ പിടിക്കലായിപ്പോകുമോ എന്നൊരു സംശയം…നമ്മളൊക്കെ കഷ്ടപ്പെട്ട് സ്റ്റീഫനെതിരെ ശേഖരിക്കുന്ന തെളിവുകളൊക്കെയും ചോർത്തിക്കൊടുക്കാൻ , ഇവിടെ തന്നെ അവന്റെ ആൾക്കാർ ഉണ്ട്‌…. നമ്മുടെ പ്ലാനൊന്നും നടക്കില്ല….ഇവിടെയുള്ള പോലീസുകാർക്ക് പോലും ദൈവമാണ് ആ റാസ്കൽ…. സ്റ്റീഫൻ രാഘവ്…”

“എന്താണുണ്ടായത്…. തെളിച്ചു പറയൂ ഡെറിക്…”

” ഒരു പെൺവാണിഭക്കേസിൽ ചേച്ചി ചിലർക്ക് ജീവപര്യന്തം വാങ്ങിക്കൊടുത്തില്ലേ…

സ്റ്റീഫന് വേണ്ടി , അവന്റെ പണത്തിന് വേണ്ടി ആ കേസ് അവർ മായിച്ചു കളഞ്ഞു…”

അത് കേട്ടപ്പോൾ അവർ മൂന്ന് പേരും ഞെട്ടി..കുറച്ചു നേരം എല്ലാവരും ആ ഞെട്ടലിൽ മൗനം പാലിച്ചു നിന്നു….

കുറച്ചു നേരത്തെ മൂകതയ്ക്ക് അജിത്തായിരുന്നു അന്ത്യം കുറിച്ചത്…

“ഡെറിക്…. എനിക്കൊരു കാര്യം പറയാനുണ്ട്….”

“ഹാ… പറയെടോ ”

“ഇന്നലെ ഗീത തയ്യാറാക്കിയ വിവരങ്ങളില്ലേ…. അതിനെക്കുറിച്ചാണ്….”

“എന്താണ്…. അതും നഷ്ടപ്പെട്ടോ ? ”