ഡെറിക് എബ്രഹാം 14 [അഹമ്മദ് ശഫീഖ് ചെറുകുന്ന്] 259

ആ വജ്രായുധം എല്ലാ പൂർണതയോടും കൂടി പുറത്ത് വന്നത് ഇന്നലെയാണെന്ന് മാത്രം….”

” ഇന്നലെയോ…. സാർ എന്തൊക്കെയാണീ പറയുന്നത്….. ഇന്നലെ എന്ത് വജ്രായുധം… എനിക്കൊന്നും മനസ്സിലാകുന്നില്ല….”

“ആ വജ്രായുധമാണ്, എന്റെ മുന്നിൽ നിന്നും തിളച്ചു കൊണ്ടിരിക്കുന്ന ഡെറിക് എബ്രഹാം IPS…”

താൻ തീരെ പ്രതീക്ഷിക്കാത്തത് കൊണ്ടാകാം ,പെട്ടെന്നത് കേട്ടപ്പോൾ അവൻ കോരിത്തരിച്ചു പോയി….

ഡെറിക് എബ്രഹാം IPS എന്ന് ആ സമയത്ത് ജയന്ത് സാർ പറഞ്ഞപ്പോൾ അവനാ പേരിനോട് അത് വരെയില്ലാത്ത വല്ലാത്ത സ്നേഹവും ബഹുമാനവും തോന്നി….തന്റെ അങ്കിളും CM ഉം തനിക്ക് വേണ്ടി ചെയ്ത കരുതലൊക്കെ അവന്റെ ഓർമകളിലേക്ക് മാറി മറഞ്ഞു വന്നു…

പക്ഷേ, എന്നിട്ടും ആ കേസിന്റെ തെളിവുകൾ പോലീസുകാർ നശിപ്പിച്ചതിന്റെ കോപം അവനടങ്ങിയിരുന്നില്ല…..

“ചേച്ചിയുടെ തെളിവുകൾ നശിച്ചിരുന്നതൊക്കെ എനിക്കറിയാം….

പക്ഷേ , അതിന്റെ പകർപ്പുകൾ ഇവിടെയുണ്ടാകുമെന്ന പ്രതീക്ഷയിലായിരുന്നു ഞാൻ..”

“അത് തന്നെയാണ് ഡെറിക് ഞാൻ ആദ്യമേ പറഞ്ഞത്…. തമിഴ്നാട് ഭരിക്കുന്നത് രാജശേഖർ അല്ല….അങ്ങനെയൊരു നാടിന് വേണ്ടി, നാട്ടുകാർക്ക് വേണ്ടി ജീവിക്കുന്ന മന്ത്രി ഇവിടെയില്ല….