എന്റെ ഉമ്മാന്റെ നിക്കാഹ് 3 [നൗഫു] 1851

 

[ഒന്ന് രണ്ടു വർഷങ്ങൾക് മുമ്പ്..നാട്ടിലേ ഗ്രാമോത്സവം നടക്കുന്ന സമയം…

 

വൈകുന്നേരങ്ങളിൽ ഒരുപാട് ജനങ്ങൾ വരും.. പല നാടുകളിൽ നിന്നും ദിനേനെ എന്നോണം ആയിരക്കണക്കിന് ആളുകൾ ഉണ്ടാവും …

 

ഉത്സവം എന്നാൽ ഒരാഴ്ച നീണ്ടു നിൽക്കുന്നത് ആയിരുന്നു…

 

പഞ്ചായത്ത്‌ ഗ്രൗണ്ടിൽ കുറെ ഏറെ സ്റ്റാളുകൾ ഉണ്ടായിരിക്കും

അവിടെ ഭക്ഷണത്തിനും,വിനോദ്ദത്തിനും, കുട്ടികളുടെ കളികോപ്പുകളുമായി..

 

എക്സിബിഷൻ ഹാളുകൾ… അങ്ങനെ പല പല വിനോദ്ദങ്ങൾ…

 

അന്ന് ഒരു ആൺകുട്ടിയെ ഇത് പോലെ ആരോ പിടിച്ചു കൊണ്ട് പോയി..

 

ഏറിയാൽ പത്തു വയസുള്ള ആൺകുട്ടിയെ…

 

എന്റെ ഉപ്പാന്റെ തറവാടിന്റെ അടുത്ത് തന്നെ ഉള്ള കുട്ടിയായിരുന്നു…

 

അന്ന് ഞങ്ങൾ അവിടെ ആയത് കൊണ്ട് തന്നെ എനിക്ക് നല്ലത് പോലെ അറിയുന്ന കൂട്ടുകാരൻ…