ഇവാ, An Angelic Beauty Part 2[മാലാഖയുടെ കാമുകൻ] 1723

അവൻ തിരിഞ്ഞു നോക്കി. ഓട്ടോക്കാരൻ രാഘവൻ.

“മാനം മര്യാദക്ക് അന്തസായി പണിയെടുത്തു ജീവിക്കുന്ന കുട്ടികൾ ആണ് അവർ.. ഇവിടെ കിടന്ന് കളിച്ചാൽ പൊന്നുമോനെ നീ നടന്നു വീട്ടിൽ പോവില്ല..”

രാഘവൻ അത് പറഞ്ഞതും കഴിച്ചു കൊണ്ടിരുന്ന ആളുകളും എഴുന്നേറ്റ് നിന്ന് അവന്മാരെ നോക്കി.. അത് കണ്ടപ്പോൾ അവന്മാർക്ക് പോകാതെ രക്ഷ ഇല്ലായിരുന്നു..

ഭദ്രയുടെയും റോക്കിന്റെയും കണ്ണ് നിറഞ്ഞു.. തിന്മ ചെയ്തില്ല എങ്കിൽ മറ്റുള്ളവർ ഒപ്പം ഉണ്ടാകുമെന്നു അവർ മനസിലാക്കി..

“ഇതുപോലെ ആരേലും വന്നാൽ വിളിച്ചാൽ മതി മോളെ..”

രാഘവൻ വന്നു അവളോട് പറഞ്ഞു..

“ശരി ഏട്ടാ.. എന്നാൽ അപ്പവും ബീഫും എടുക്കട്ടേ ഏട്ടന്റെ പതിവ്..?”

രാഘവൻ പറഞ്ഞത് കേട്ടപ്പോൾ ഭദ്ര ചിരിയോടെ അയാളോട് ചോദിച്ചു.. അയാൾ ചിരിയോടെ തലകുലുക്കി.. ഭദ്ര അയാൾക്ക് മകളെപ്പോലെ ആയിരുന്നു..

ഭദ്രയും റോക്കും അവിടെ ഉള്ളവരുടെ ഇഷ്ടപെട്ട രണ്ടുകുട്ടികൾ ആവാൻ അധികം താമസം ഒന്നും വേണ്ടി വന്നില്ല.. തിരക്ക് കൂടി വന്നു. ഭക്ഷണത്തിന്റെ രുചി വാമൊഴി ആയി പോയി ആളുകൾ കൂടുതൽ എത്താൻ തുടങ്ങി.

അതോടെ ഭദ്രക്കും റോക്കിനും ഒറ്റക്ക് നടത്തി കൊണ്ടുപോകാൻ കഴിയാതെ വന്നു..

അപ്പോൾ ശ്യാമ വഴി അവർ ഒരു പെങ്കുട്ടിയെകൂടെ കൊണ്ടുവന്നു.. പിന്നെ ഒരാൾ കൂടെ.. അതോടെ ഭദ്രക്കും റോക്കിനും അല്പം ഒഴിവ് സമയങ്ങൾ കിട്ടി..

തിരക്കിട്ട് കാലം കടന്നുപോയി.

ഭദ്ര പറഞ്ഞത് പോലെ ഡിഗ്രി കഴിഞ്ഞു എൻട്രൻസ് എഴുതി പാസ് ആയി എൽഎൽബി പഠിക്കാൻ തുടങ്ങി… റോക്ക് അപ്പോൾ പ്ലസ് 2 കഴിഞ്ഞിരുന്നു…

സാമ്പത്തികമായി വലിയ കുഴപ്പങ്ങൾ ഉണ്ടായില്ല.. വളരെ നന്നായി പോകുന്ന ഷോപ്..