ഇവാ, An Angelic Beauty Part 2[മാലാഖയുടെ കാമുകൻ] 1724

അവൾ അവനെ കെട്ടിപിടിച്ചു ഇരുന്നു.. അവൻ സംസാരിച്ചു കൊണ്ട് വണ്ടി മുൻപോട്ട് എടുത്തു.

ഒരു ട്രാഫിക് എത്തി..

“വാവേ.. ഹെൽമെറ്റ് നേരെ വെക്ക് മെറിൻ ആണ് ആ വണ്ടിയിൽ…”

ഭദ്ര ഉടനെ റോക്കിനോട് പറഞ്ഞു.

“മെറിനോ?”

“ആ എസിപി മെറിൻ തോമസ്.. വലിയ ദേഷ്യക്കാരി ആണ്.. “

ഇവരെപ്പറ്റി കുറെ കേട്ടിട്ടുണ്ടല്ലോ എന്ന് റോക്ക് ചിന്തിച്ചു..

അവൻ മുൻപിൽ അല്പം മാറി കിടന്ന ഇന്നോവ നോക്കി.. അതെ സമയം മെറിൻ തിരിഞ്ഞു നോക്കി.. നല്ല സുന്ദരി പൊലീസുകാരി.. അവന്റെ ചേച്ചിയെപ്പോലെ തന്നെ..

അവന്റെ കണ്ണുകൾ ഇന്നോവക്ക് പുറകിൽ കിടക്കുന്ന ഒരു സ്കൂട്ടിയിൽ പതിഞ്ഞു..

അതിന്റെ മുൻപിൽ ഇരിക്കുന്ന ഹാഫ് സാരി ധരിച്ച ഒരു പെണ്ണ്.. എന്റമ്മേ ഇതെന്തോന്ന്? എന്തൊരു ഭംഗി ആണ് അതിനെ? തീയുടെ സൗന്ദര്യം..അവളുടെ ഭംഗി കണ്ടപ്പോൾ അവൻ അവളെ നന്നായി ശ്രദ്ധിച്ചു.

എന്നാൽ അവൾക്ക് പുറകിൽ അവളോട് അല്പം ചേർന്ന് ഇരിക്കുന്ന ഒരു ജിമ്മൻ.. അവന്റെ കൈ കണ്ടാൽ തന്നെ ബോധം പോകും… സുന്ദരൻ ആണ്. നല്ല ചേർച്ച..

ഒരു വല്ലാത്ത മൂളക്കം കേട്ടപ്പോൾ അവൻ പുറകോട്ട് നോക്കി.

ഒരു ഡുക്കാട്ടി ഡയാവൽ ബൈക്ക് വന്നു അവരുടെ സ്കൂട്ടിയുടെ അപ്പുറത്തു നിന്നതു അവൻ ശ്രദ്ധിച്ചു.. കറുത്ത വേഷം ധരിച്ച ഒരു പെണ്ണ്…

അവൾ അവനോടു എന്തോ പറഞ്ഞതും സ്കൂട്ടിക്ക് മുൻപിൽ ഇരുന്നവൾ അവളോട് ദേഷ്യപെടുന്നത് കണ്ടു.. അവൾ തിരിച്ചും എന്തോ പറഞ്ഞു..

സിഗ്നൽ വീണപ്പോൾ അവൾ ബൈക്ക് ചാടിച്ചു മുൻപോട്ട് എടുത്തു, പോലീസ്കാറിന് നേരെ പിടിച്ചു വണ്ടിക്ക് അകത്തേക്ക് നോക്കി..

എന്നാൽ അവൻ ശ്രദ്ധിച്ചത് അവളുടെ നിതംബം ആണ്.. കറുത്ത ലെതർ പാന്റ് ആണ് വേഷം.