ആ രാത്രിയിൽ 3 [പ്രൊഫസർ ബ്രോ] 221

“Sir, both finger prints are matching”

അയാൾ സന്തോഷത്തോടെയാണ് അത് പറഞ്ഞത്, അത് കേട്ട ദേവൻറെയും മരക്കാരുടെയും മുഖത്തേക്കും ആ സന്തോഷം വ്യാപിച്ചു

“ശരി, നിങ്ങൾക്ക് പോകാം”

“പോകാം സർ, അതിന് മുൻപ് എനിക്കൊരു ആവശ്യം കൂടിയുണ്ട്”

“പറയൂ…”

“ഈ വിരലിന്റെ ഉടമ ഇവിടെ തന്നെ ഉണ്ടെങ്കിൽ അയാളുടെ മുഖത്തുള്ള മേക്കപ്പ് എനിക്ക് വേണം.”

“അതെന്തിനാ…”

“എല്ലാം വൈകിട്ട് വിശദമായി പറയാം സർ…”

“ഓക്കേ, അതിന് വഴിയുണ്ടാക്കാം ”

മരക്കാർ അവിടെ നിന്ന് കൊണ്ട് ദേവനെ നോക്കി അതിന്റെ അർഥം മനസ്സിലായി എന്നത് പോലെ ദേവൻ പുറത്തേക്ക് നടന്നു

ഫോറൻസിക് വിദഗ്ദ്ധർ വന്നപ്പോൾ രാമന്കുട്ടിയെയും രേവതിയെയും ആ വീടിനോട് ചേർന്നുള്ള ഔട്ട്‌ ഹൗസിലേക്ക് മാറ്റിയിരുന്നു അങ്ങോട്ടേക്കാണ് ദേവൻ പോയത്

ദേവൻ രേവതിയെ ഇട്ടിരുന്ന മുറിയുടെ വാതിൽ തുറന്നു

വാതിൽ തുറക്കുന്ന ഒച്ച കേട്ടതും അവൾ ഇരുന്ന കസേരയിൽ നിന്നും ഞെട്ടി എഴുന്നേറ്റു, അവളുടെ കണ്ണുകളിൽ നിന്നും ഒഴുകിയ കണ്ണുനീർ അവളുടെ കവിൾ തടത്തിൽ കൂടി ഒഴുകി കഴുത്തിൽ എത്തിയിരുന്നു

“ചേച്ചി കരയുകയായിരുന്നോ… എന്തിനാ കരയുന്നത് . ഞങ്ങൾ ഞങ്ങളുടെ ജോലി ചെയ്തതല്ലേ…”

“പേടിച്ചിട്ടാ സർ ”

“പേടിക്കണ്ട, നിങ്ങൾക്ക് ഇപ്പൊ തന്നെ പോകാം”

ദേവൻ പോക്കറ്റിൽ നിന്നും ഒരു പുതിയ കർചീഫ് പുറത്തെടുത്തു അവൾക്ക് നേരെ നീട്ടി