ആ രാത്രിയിൽ 3 [പ്രൊഫസർ ബ്രോ] 221

“ഇവൾക്ക് പേടിയാണ് എന്ന് പറഞ്ഞപ്പോൾ വിളിച്ചു പറഞ്ഞത് ഞാൻ ആണ് സർ…”

“ശരി, രേവതി നടന്നത് എന്താണെന്ന് വള്ളി പുള്ളി തെറ്റാതെ ഒന്ന് പറഞ്ഞെ…”

മരക്കാർ പറഞ്ഞ് നിർത്തിയതും അവൾ തന്റെ അടുത്തു നിന്ന രാമന്കുട്ടിയുടെ മുഖത്തേക്ക് ഒന്ന് നോക്കി , അത് മരക്കാർ കാണുകയും ചെയ്തു

“ദേവാ… ഇയാളെ അങ്ങോട്ട് മാറ്റിക്കോ, നമുക്ക് രേവതിയോട് മാത്രമായി ഒന്ന് സംസാരിക്കാം…”

“ശരി സർ”

ദേവൻ അയാളെലിവിങ് റൂമിന്റെ അടുത്ത അറ്റത്തേക്ക് മാറ്റി നിർതിയിട്ട് തിരിച്ചു മരക്കാരുടെ അടുത്തേക്ക് വന്നു

“ഇനി പറയൂ….”

“ഞാൻ ജീവൻ സർ ഇവിടെ ഉള്ള ദിവസങ്ങളിൽ മാത്രമേ ജോലിക്ക് വരാറുള്ളൂ, ഇന്ന് രാവിലെ വന്നപ്പോൾ പതിവിന് വിപരീതമായി ഡോർ തുറന്ന് കിടക്കുകയായിരുന്നു, ഞാൻ ഉള്ളിൽ കയറി സാറിനെ വിളിച്ചു നോക്കിയെങ്കിലും പ്രതികരണം ഒന്നും ഉണ്ടായില്ല, സാറിന്റെ റൂമിന്റെ ഡോർ തുറന്നു കിടക്കുന്നത് കണ്ടാണ് അകത്തു കയറി നോക്കിയത് അപ്പോൾ കണ്ടത് കഴുത്തിൽ നിന്നും ചോരയിറ്റു വീഴുന്ന സാറിന്റെ ശരീരമാണ്. ഞാൻ കരഞ്ഞു വിളിച്ചത് കേട്ട് ഓടിവന്ന രാമൻ ചേട്ടനാണ് സ്റ്റേറ്റിനിലേക്ക് വിളിച്ചത്…”

സംസാരിക്കുന്നതിനിടയിൽ ഉള്ള രേവതിയുടെ പരുങ്ങൽ ദേവനും മരക്കാരും ഒരുപോലെ ശ്രദ്ധിക്കുന്നുണ്ടായിരുന്നു

“ഇപ്പൊ പറഞ്ഞതിൽ നിന്നും ഇനി ഒരു മാറ്റം ഉണ്ടാവില്ലല്ലോ അല്ലെ… മാറരുത് ”

മരക്കാർ ഒരു താക്കീത് എന്ന രൂപേണ അവരോട് പറഞ്ഞു

“ഇ…ഇല്ല സർ…”

“ദേവാ… ഇവരെ അങ്ങോട്ട് നിർതിയിട്ട് അയാളെ ഇങ്ങോട്ട് വിളി”

“ശരി സർ…”

“രേവതിക്ക് പറയാനുള്ളതെല്ലാം അവർ പറഞ്ഞു കഴിഞ്ഞു, ഇനി തനിക്ക് പറയാനുള്ളത് പറ”

രാമൻകുട്ടി ഭയത്തോടെ മരക്കാരുടെ മുഖത്തേക്ക് നോക്കി, പിന്നെ സംസാരിച്ചു തുടങ്ങി