ആ രാത്രിയിൽ 3 [പ്രൊഫസർ ബ്രോ] 222

“ഈ കത്തിയിലും ഈ ടാപ്പിന്റെ നോബിലും പിന്നെ മുൻവാതിലിന്റെ ഉള്ളിലെ ഹാന്ഡിലിലും എന്തെങ്കിലും ഫിംഗർ പ്രിന്റ്സ് ഉണ്ടോ എന്ന് നോക്കണം…”

“ശരി സർ…”

അവരെ ജോലി ചെയ്യാൻ അനുവദിച്ചുകൊണ്ട് ദേവനും മരക്കാറും പിൻവാങ്ങി

“സർ…”

കുറച്ചു സമയത്തിന് ശേഷം അവർക്കരികിലേക്ക് ഒരു ഫോറൻസിക് ഉദോഗസ്ഥൻ എത്തി, അയാളെ കണ്ടതും വിവരങ്ങൾ അറിയാനുള്ള ആവേശത്തിൽ മരക്കാർ ഇരുന്ന ഇടത്തു നിന്നും എഴുന്നേറ്റു

“സർ , ആ കത്തിയിൽ ഫിംഗർ പ്രിന്റ്സ് ഒന്നും ഇല്ലായിരുന്നു, പക്ഷെ അതിൽ ബ്ലഡ്‌ സ്റ്റൈൻ ഉണ്ട്, അതിനെക്കുറിച്ചുള്ള വിശദ വിവരം ഒന്ന് അനലൈസ് ചെയ്തിട്ട് ഇന്ന് വൈകിട്ട് അറിയിക്കാം സർ, പിന്നെ ആ ടാപ്പിന്റെ നോബിൽ ഉണ്ടായിരുന്നതും വാതിലിന്റെ ഹാന്ഡിലിൽ ഉണ്ടായിരുന്നതും ഒരേ ഫിംഗർ പ്രിന്റ് ആണ്, അത് രണ്ടും ഒരു സ്ത്രീയുടേതും ആണ്…”

അയാൾ പറഞ്ഞത് കേട്ടപ്പോൾ അവർ രണ്ട് പേരുടെയും മുഖത്തു ഒരേ സമയത്ത് ഒരു പ്രത്യാശയുടെ പ്രകാശം വീണു

“ഇപ്പൊ ഇവിടെ വച്ചു തന്നെ ഒരു മാച്ച് ചെക്ക് ചെയ്യാൻ പറ്റുമോ…”

“തീർച്ചയായും…”

“ദേവാ… അതിങ്ങെടുത്തോ”

മരക്കാർ പറഞ്ഞതും ദേവൻ അടുത്ത മുറിയിലേക്ക് നടന്നു, തിരിച്ചു വന്ന അവന്റെ കയ്യിൽ ഒരു മിനറൽ വാട്ടറിന്റെ കുപ്പി ഉണ്ടായിരുന്നു

“ഇതിൽ ഒരു ഫിംഗർ പ്രിന്റ് ഉണ്ട്, അതും ഇവിടെ നിന്ന് കിട്ടിയ ഫിംഗർ പ്രിന്റും തമ്മിൽ മാച്ച് ആകുന്നുണ്ടോ എന്ന് ഒന്ന് നോക്കി പറ…”

“ഇപ്പൊ പറയാം സർ… ഒരു അഞ്ചു മിനിറ്റ് ”

അയാൾ ആ കുപ്പിയും വാങ്ങിക്കൊണ്ട് തന്റെ സഹപ്രവർത്തകരുടെ അടുത്തേക്ക് നീങ്ങി , നിമിഷങ്ങൾക്കകം അയാൾ തിരിച്ചെത്തി, തിരികെ വരുന്ന സമയത്ത് അയാളുടെ ചുണ്ടുകളിൽ ഒരു ചിരി ഉണ്ടായിരുന്നു