ആ രാത്രിയിൽ 3 [പ്രൊഫസർ ബ്രോ] 222

“രേവതിയുടെ കരച്ചിൽ കേട്ടാണ് സർ ഞാൻ ഉള്ളിലേക്ക് ചെന്നത്, അപ്പോൾ കണ്ടത് മരിച്ചു കിടക്കുന്ന ജീവൻ സാറിനെയാണ്… ഞാൻ അപ്പോൾ തന്നെ സ്റ്റേഷനിലേക്ക് വിളിച്ചു പറഞ്ഞു സർ…”

“ഇത്രയുമല്ലേ ഉള്ളു, വേറെ ഒന്നും ഇല്ലല്ലോ…”

“ഇല്ല സർ.”

“ശരി… താൻ അങ്ങോട്ട് മാറി നിന്നോ എന്തെങ്കിലും ആവശ്യം ഉണ്ടെങ്കിൽ വിളിക്കാം.”

രാമൻകുട്ടി രേവതിയുടെ അടുക്കലേക്ക് നീങ്ങി

“താൻ അവരുടെ അടുത്ത് നിൽക്കണ്ട… മാറി നിന്നാൽ മതി ”

ദേവന്റെ ശബ്ദം കേട്ടതും അയാൾ ഭയത്തോടെ തിരിഞ്ഞു നോക്കി

“ഈ സൈഡിലേക്ക് മാറി നിൽക്കാൻ”

“ശരി സർ”

ദേവൻ കൈ ചൂണ്ടിയ സ്ഥലത്തേക്ക് രാമൻകുട്ടി നീങ്ങി നിന്നു

“ദേവാ… തനിക്കെന്ത് തോന്നുന്നു”

“അത് സർ, രണ്ട് പേരുടെയും പെരുമാറ്റത്തിൽ എന്തോ ഒരു സ്പെല്ലിങ് മിസ്റ്റേക്ക് ഉണ്ട്”

“എനിക്കും തോന്നി, ചിലപ്പോൾ പേടിച്ചിട്ട് ആവും എന്തായാലും ഫോറൻസിക് ടീം വരട്ടെ, താൻ ഇപ്പൊ അവർക്ക് രണ്ട് പേർക്കും ഓരോ കുപ്പി വെള്ളം കൊടുത്തേക്ക് കുടിക്കട്ടെ ”

അവരുടെ കാത്തിരിപ്പുകൾക്ക് വിരാമം ഇട്ടുകൊണ്ട് അധികം വൈകാതെ തന്നെ ഫോറൻസിക് വിദഗ്ദ്ധർ എത്തിച്ചേർന്നു

“വരൂ…”

അവരുടെ മുന്നിലായി മരക്കാർ നടന്നു