ആ രാത്രിയിൽ 3 [പ്രൊഫസർ ബ്രോ] 222

രാജന്റെ ചിരിച്ച മുഖം കണ്ടതും ദേവനും അയാളെ നോക്കി ചിരിച്ചു , പിന്നെ രണ്ട് ജോലിക്കാരെയും കൂട്ടിക്കൊണ്ട് വീടിന്റെ ഉള്ളിലേക്ക് നടന്നു

ഉള്ളിലേക്ക് പോകുന്ന സമയത്തും ദേവൻ രണ്ട് പേരുടെയും ഓരോ ചലനങ്ങളും അവർ അറിയാതെ സൂഷ്മമായി വീക്ഷിക്കുകയായിരുന്നു

“ഇവരാണ് സർ ജോലിക്കാർ”

ലിവിങ് റൂമിൽ എത്തിയ അവരെയും കാത്ത് മരക്കാർ അവിടെ നിൽക്കുന്നുണ്ടായിരുന്നു

“ആ… ഇവിടെ ഇരുന്നോളൂ.. ”

മരക്കാർ അയാൾ ഇരിക്കുന്നതിനെതിരെയുള്ള കസേരയിലേക്ക് വിരൽ ചൂണ്ടി

“വേണ്ട സർ ഞങ്ങൾ ഇവിടെ നിന്നോളാം”

“നിങ്ങളുടെ പേര് പറയൂ..”

“എന്റെ പേര് രാമൻകുട്ടി, ഇവൾ രേവതി”

“അതെന്താ അവർക്ക് നാക്കില്ലേ… അവരോട് ചോദിക്കുന്നതിനു അവർ ഉത്തരം പറഞ്ഞോളും… താൻ ബുദ്ധിമുട്ടണ്ട”

ദേവന്റെ ദേഷ്യത്തോടെയുള്ള സംസാരം അവരെ രണ്ട് പേരെയും ഭയപ്പെടുത്തി

“സോറി സർ…”

“ഹ്മ്മ്… ശരി , ഇനി സർ ചോദിക്കുന്നതിനൊക്കെ അവരവർ തന്നെ ഉത്തരം പറഞ്ഞോളണം…”

“ഹ മതിയെടോ… അവരെ പേടിപ്പിക്കല്ലേ.,അപ്പൊ നിങ്ങൾ പറയൂ ആരാണ് അയാൾ മരിച്ചുകിടക്കുന്നത് ആദ്യം കണ്ടത്…”

“ഞാനാണ് സർ…”

രേവതി മുന്നിലേക്ക് നീങ്ങി നിന്നു

“എന്നിട്ട് ഒരു പുരുഷനാണ് വിളിച്ചു പറഞ്ഞത് എന്നാണല്ലോ സ്റ്റേഷനിൽ നിന്നും ഞാൻ അറിഞ്ഞത്”