ആ രാത്രിയിൽ 3 [പ്രൊഫസർ ബ്രോ] 222

“നമുക്ക് ആവശ്യമുള്ള ഭാഗം എന്താണെന്ന് അവർ എങ്ങനെ അറിയും…”

“സിമ്പിൾ… അവർക്കാവശ്യം ഉള്ള ഭാഗങ്ങൾ കട്ട്‌ ചെയ്തിട്ട് ബാക്കിയുള്ളത് നമുക്ക് തരും… ആ എന്തെങ്കിലും ആകട്ടെ സമയം വൈകി ഞാൻ വീട്ടിൽ പോകട്ടെ, താനും പൊയ്ക്കോ രാവിലെ മുതൽ തുടങ്ങിയ ഓട്ടം അല്ലെ… ബാക്കി ഒക്കെ നാളെ നോക്കാം…”

“ശരി സർ ,… ദേവൻ കസേരയിൽ നിന്നും എഴുന്നേറ്റ് ടേബിളിൽ വച്ചിരുന്ന തൊപ്പി എടുത്ത് തലയിൽ വച്ചു. മരക്കാർക്ക് ഒരു സല്യൂട് കൊടുത്ത ശേഷം അവൻ തിരിഞ്ഞു പുറത്തേക്ക് നടന്നു

♦️♦️♦️♦️♦️

മാളിയേക്കൽ തറവാടിന്റെ മുറ്റത്ത് സൈറൺ മുഴക്കി ഒരു പോലിസ് വാഹനം വന്നു നിന്നു,വെളുത്ത നിറത്തിലുള്ള നമ്പർ പ്ലേറ്റിന് മുകളിലായി മറ്റൊരു നീല നിറത്തിലുള്ള പ്ലേറ്റ്, അതിൽ മൂന്നു നക്ഷത്രങ്ങൾ ആലേഖനം ചെയ്തിരിക്കുന്നു.

പിന്നിലെ ഡോർ തുറന്ന് അയാൾ പുറത്തിറങ്ങി, സിറ്റി പോലീസ് കമ്മീഷ്ണർ ദേവരാജ്

“ടോ… ഇവിടെ”

മുറ്റത്തിന്റെ ഒരു ഒഴിഞ്ഞ കോണിൽ നിന്നും ശബ്ദം കേട്ടതും അയാൾ അങ്ങോട്ട് നോക്കി, അരണ്ട വെളിച്ചത്തിൽ രണ്ട് പേര് ഇരിക്കുന്നത് കാണാം

അയാൾ അങ്ങോട്ട് അടികൾ വച്ചു തുടങ്ങി,

“എന്താടോ… തന്നോട് എപ്പോ വരാൻ പറഞ്ഞതാ…”

“സോറി സർ”

ദേവരാജൻ കസേരയിൽ ഇരിക്കുന്ന സത്യന് സല്യൂട് ചെയ്തു

“ആ ശരി താൻ ഇരിക്ക്…”

“ശേഖരൻ എപ്പോ വന്നു…”

“ഞാനും ഇപ്പൊ വന്നതേ ഉള്ളു സർ…”

ശേഖരൻ അപ്പൊ തന്നെ ഒരു ഗ്ലാസ് കൂടി എടുത്ത് അതിലേക്ക് മദ്യം പകർത്തി ദേവരാജന് നേരെ നീട്ടി