ആ രാത്രിയിൽ 3 [പ്രൊഫസർ ബ്രോ] 222

“ഇതാ കണ്ണ് തുടക്കു…”

“വേണ്ട സർ…”

“പുതിയതാ ചേച്ചീ… ഞാൻ ഉപയോഗിച്ചിട്ടില്ല”

“അയ്യോ… അതല്ല സർ”

അവൾ ദേവന്റെ കയ്യിൽ നിന്നും കർചീഫ് വാങ്ങി മുഖം തുടച്ചതിന് ശേഷം അത് അവന് തന്നെ മടക്കി നൽകി

“ഒരു അഞ്ചു മിനിറ്റ് വെയിറ്റ് ചെയ്യൂ… ഇപ്പൊ പോകാം”

ദേവൻ അവളെ കടന്ന് പുറത്തേക്കിറങ്ങി, അവനെ കാത്ത് ഉമ്മറത്ത് മരക്കാരും ഫോറൻസിക് വിദഗ്ദ്ധരും നിൽക്കുന്നുണ്ടായിരുന്നു

“ഇതാ നിങ്ങൾ ചോദിച്ച സാധനം”

ദേവൻ അവന്റെ കയ്യിൽ ഇരുന്ന കർചീഫ് അവരുടെ നേരെ നീട്ടി, അത് വാങ്ങിക്കൊണ്ട് അവർ അപ്പൊ തന്നെ അവിടെ നിന്നും യാത്രയായി

“താൻ വാ, നമുക്ക് അവരെ ഒന്നുകൂടി കാണാം”

മരക്കാർ ദേവനെയും കൂട്ടിക്കൊണ്ട് ഔട്ട്‌ ഹൗസിന്റെ ഉള്ളിലേക്ക് നടന്നു

“അപ്പൊ നിങ്ങൾ പറഞ്ഞതിൽ നിന്ന് മാറ്റം ഒന്നും ഇല്ലല്ലോ… നിങ്ങൾ ചെന്നപ്പോൾ ഡോർ തുറന്ന് കിടക്കുകയായിരുന്നു വേറെ ഒരേടുത്തും പോകാതെ നിങ്ങൾ നേരെ ജീവന്റെ റൂമിലേക്കാണ് പോയത്, പിന്നെ സ്റ്റേഷനിൽ വിളിച്ചു പറഞ്ഞിട്ട് നിങ്ങൾ പുറത്തിറങ്ങി… വേറെ മാറ്റം ഒന്നും ഇല്ലല്ലോ… ഉണ്ടെങ്കിൽ ഇപ്പൊ പറയണം”

“ഇ,..ഇ… ഇല്ല സർ…”

വിക്കി വിക്കി അത് പറഞ്ഞതിന് ശേഷം രേവതി അവിടെ നിന്നുകൊണ്ട് തനിക്കരികിൽ നിൽക്കുന്ന രാമന്കുട്ടിയെ പാളി നോക്കി

“ദേവാ  arrest them… മരക്കാർ കസേരയിൽ നിന്നും എഴുന്നേറ്റുകൊണ്ട് അലറി…”
“സർ… ഞങ്ങൾ ഒന്നും ചെയ്തിട്ടില്ല…”

രേവതിയുടെ കണ്ണുകളിൽ നിന്നും ഒഴുകിയ കണ്ണുനീർ തുള്ളികൾ ദേവന്റെയും മരക്കാരുടെയും മനസ്സിളക്കാൻ പോന്നതായിരുന്നില്ല