ഇത് ഞങ്ങളുടെ ഏരിയാ 3 [മനൂസ്] 2957

“അതെന്നാ തോന്നുന്നെ…”

 

ഫർഹയുടെ എടുത്തടിച്ച മറുപടി വന്ന നിമിഷം തന്നെ ജാഷിയുടെ ഉള്ള ബോധവും പോയിരുന്നു…

 

“പടച്ചോനെ..”

 

അപ്പോഴേക്കും കസേരയുമായി അവൻ പിന്നിലേക്ക് മലർന്നു വീണു…

 

അപ്പോഴും ഇതൊന്നും തങ്ങളെ ബാധിക്കുന്ന പ്രശ്നമാണെന്നു തോന്നാതെ ചപ്പാത്തി തട്ടുകയായിരുന്നു കുട്ടിപ്പട്ടാളം…

 

“ഇക്കാ”

 

കട്ടിലിൽ എന്തോ ആലോചിച്ചു കിടക്കുകയായിരുന്ന ജാഷിയെ അവൾ വിളിച്ചു..

 

“ഇക്കൂ..”

 

അവന്റെ മറുപടി കേൾക്കാതെ ആയപ്പോൾ നെഞ്ചിൽ നിന്നും തലയുയർത്തി അവൾ വീണ്ടും വിളിച്ചു..

 

“ആ.. കേട്ട് കേട്ട്.. നീ പറയടി..”

 

“ഇങ്ങള് എന്താ വലിയ ആലോചന..”

 

“എന്നാലും നീ പറഞ്ഞത് സത്യമായിരിക്കുമോ..”

 

ദീർഘ നിശ്വാസത്തോടെ അവൻ ചോദിച്ചു..

 

“അങ്ങനെ ആവനാണ് ചാൻസ്.. ഒന്ന് പോയി ഉറപ്പാക്കണം..”

 

അവന്റെ നെഞ്ചിൽ വിരലുകൾ കൊണ്ട് കളം വരച്ചവൾ പറഞ്ഞു..

 

“നീ ഒന്ന് ഒച്ച വച്ചിരുന്നെങ്കിൽ അല്ലെങ്കിൽ ഒന്ന് കരഞ്ഞിരുന്നെങ്കിൽ ഞാൻ ഉണർന്നേനെ ഫർഹ കുട്ടി.. ഞാൻ ഉണർന്നേനെ..”

 

സോമൻ സ്റ്റൈലിൽ ജാഷി അത് പറഞ്ഞതും അവൾ കുണുങ്ങി ചിരിച്ചുകൊണ്ട് അവന്റെ വയറ്റിൽ ഇടിച്ചു..

 

“ആ അപ്പോൾ ഇവന്മാർക്ക് അടുത്ത അടിയുണ്ടാക്കാൻ ഉള്ള കാരണം മ്മള് തന്നെ ഉണ്ടാക്കി കൊടുത്തു അല്ലെ..”

 

ചിരിയോടെ ജാഷി അത് പറഞ്ഞുകൊണ്ട് ഫർഹയെ പുണർന്നു..