ഇത് ഞങ്ങളുടെ ഏരിയാ 3 [മനൂസ്] 2957

“ഇക്കാ… നോ എന്ററി..”

 

ജാഷിയുടെ അടുത്ത കുൽസിത നീക്കത്തെ തന്റെ വയറ്റിൽ കൈവച്ചു കാണിച്ച് അവൾ തടഞ്ഞു..

 

“പെട്ടല്ലോ പടച്ചോനെ..”

 

ഇതും പറഞ്ഞു തന്റെ മനസ്സിനെ കടിഞ്ഞാണിട്ട് മുന്നിലിരിക്കുന്ന തനിക്ക് കുറച്ചു കാലത്തേക്ക് കഴിക്കാൻ പറ്റാത്ത ബിരിയാണിയെ നോക്കിയവൻ തലയിണയിൽ മുഖം പൂഴ്ത്തി..

 

പിറ്റേന്ന് ഓഫീസിൽ പോകേണ്ടാത്തതിനാൽ വളരെ വൈകിയാണ് ജാഷി ഉറക്കം എണീറ്റത്..

 

കട്ടിലിൽ അടുത്തു കിടക്കുന്ന കുഞ്ഞോളെ നോക്കി ആ കുഞ്ഞു കവിളിൽ അവൻ ഒരു മുത്തം നൽകി..

 

അപ്പോഴാണ് പ്രാകൃതിയുടെ ദിവ്യവിളി അവന് വെളിവായത്.. വർദ്ധിത വീര്യത്തോടെ അവൻ ആ വിളിയെ മറികടക്കാൻ ആയി യുദ്ധക്കളത്തിലേക്ക് പുറപ്പെട്ടു..

 

വാതിൽ തുറക്കാൻ ശ്രമിച്ചപ്പോഴാണ് തനിക്ക് മുന്നേ ഒരു യോദ്ധാവ് അവിടെ പടവെട്ടുകയാണ് എന്നവന് ബോധ്യമായത്..

 

അവൻ നേരെ താഴെയുള്ള യുദ്ധക്കളത്തിലേക്ക് ഓടി.. അതും അപ്പോഴേക്കും ആരോ കൈയ്യടക്കിയിരുന്നു..

 

പ്രകൃതിയുടെ വിളി അപ്പോഴേക്കും ഒരു ഓഖി കൊടുങ്കാറ്റായി മാറിയിരുന്നു..

 

അടുക്കളയിൽ ജോലി ചെയ്യുകയായിരുന്ന ഫർഹ ഒരു മിന്നായം പോലെ തനിക്ക് പിറകിലൂടെ എന്തോ ഒന്ന് വെളിയിലേക്ക് പോകുന്നത് മാത്രം കണ്ടു.. അവൾ തിരിഞ്ഞു നോക്കുമ്പോഴേക്കും എന്തോ ഒന്ന് മുറ്റത്തേക്ക് എത്തിയിരുന്നു..

 

തനിക്ക് തോന്നിയതാവും എന്ന് കരുതി അവൾ വീണ്ടും പണി തുടർന്നു..

 

പത്തു മിനിറ്റ് ശേഷം അടുക്കള ഭാഗത്തിന്റെ തിണ്ണയിലായി ജാഷി തളർച്ചയോടെ വരുന്നത് അവൾ കണ്ടു..

 

“ഹോ.. പൊരിഞ്ഞ പോരാട്ടമായിരുന്നു..”