തെരുവിന്റെ മകൻ 8 ???[നൗഫു] 4237

ആ വാഹനം ഓടിക്കുന്നത് ഞാൻ ഇന്നലെ രാത്രി ആശുപത്രിയിൽ കണ്ട ഓഫീസർ ആണ്..

മറ്റാരും ഇല്ല…

Acp അർജുൻ സിംഗ്…

അയാൾ എന്നെയും കണ്ടത് പോലെ ആ വാഹനം ഒന്ന് സ്ലോ ആയി പുറകുവശത്തെ ചുവപ്പ് ലൈറ്റ് കത്തി കുറച്ചു മുന്നോട്ടു പോയി നിന്നു …

ഞാൻ പെട്ടന്ന് തന്നെ അവിടെ അടുത്ത് കണ്ട ഇടവഴിയിലേക് മാറി നിന്നു…

പിന്നെ ആ വാഹനം മെല്ലെ ഓടിച്ചു കൊണ്ട് ഭാർഗവാന്റെ വീടിനുള്ളിലേക് കയറി പോയി…

ഞാൻ ഒരു അശ്വാസത്തോടെ വീണ്ടും ആ റോട്ടിലേക്കിറങ്ങി ആശുപത്രി ലക്ഷ്യമാക്കി ഓടി തുടങ്ങി…

▪️▪️▪️

അഭി ചായ കുടിച്ചോ…

ആ അമ്മേ കഴിഞ്ഞു…

സഞ്ജു പോയിട്ട് കുറേ നേരം ആയല്ലോ..
ആശുപത്രിക്ക് മുന്നിൽ ഇല്ലേ പത്രം ലഭിക്കുന്ന കടകൾ…

എനിക്കെന്തോ പേടി തോന്നുന്നു…

അതാ ഞാനും ആലോചിക്കുന്നത് ഇപ്പോൾ തന്നെ ഒരു മണിക്കൂറോളം ആയല്ലോ..

നിങ്ങൾ രണ്ടാളും ഒന്ന് പോയി നോക്കി വന്നേ…

അവനിപ്പോൾ എന്തോ ഒരു കഷ്ട്ട കാലം ആണ്..

ആ… ഉമ്മാ എന്നും പറഞ്ഞ് ഫൈസിയും അഭിയും അവിടെ നിന്നും ഇറങ്ങി..

അഭി അവൻ മാളവികയുടെ വീട് വരെ പോയി പെട്ടെന്നു വരുമെന്നല്ലേ പറഞ്ഞത്..

അതും പറഞ്ഞ് ഫൈസി തന്റെ ബുള്ളറ്റ് സ്റ്റാർട്ട്‌ ചെയ്തു…

കുടുകുടു … കുടുകുടു..
ചെ… പെട്രോൾ തീർന്നെന്ന് തോന്നുന്നു…

ഇനി ഇപ്പോൾ എന്താ ചെയ്യാ…

ടാ… നമുക്ക് തള്ളാം പുറത്ത് തന്നെ ഒരു പമ്പ് ഉണ്ട്..

തള്ളിക്കോ… ഹേയ്…

ഏതായാലും ഒന്ന് പോയി നോക്കാം…

▪️▪️▪️

പ്രഭാത സൂര്യ കിരണങ്ങൾ മെല്ലെ ഭൂമിയിലേക് അരിച്ചിറങ്ങി കൊണ്ടിരുന്നു…

സമയം 6:30

ഒരു രണ്ടു കിലോമീറ്ററോളം ഓടിക്കഴിഞ്ഞപ്പോൾ എന്റെ മുന്നിൽ ഒരു വെള്ള ഇന്നോവ വന്നു കുറുകെ നിന്നു…

അതിൽ നിന്നും ഉടനെ തന്നെ നാലു പേര് പുറത്തേക് ചാടി..

കയ്യിൽ വടിവാളുകളുമായി…

ഒരു നിമിഷം ഞാൻ അപകടം മണത്തു…