രണ്ടു മാസത്തെ അവധിക്കാലം കഴിഞ്ഞു, നാളെ സ്കൂൾ തുറക്കുകയാണ് എന്തോ നഷ്ടപ്പെട്ടു പോയതിനെ തിരികെ കിട്ടുന്നതിന്റെ സന്തോഷത്തിലായിരുന്നു ഞാൻ.
നേരം പുലർന്നു. പ്രഭാതകൃത്യങ്ങൾക്കു ശേഷം സ്കൂളിൽ പോകാനുള്ള തയ്യാറെടുപ്പ് തുടങ്ങി കറുത്ത പാൻസും ഇളം നീല കളർ ഷർട്ടുമിട്ട് കണ്ണാടിക്കു മുൻപിൽ തിരിഞ്ഞും മറിഞ്ഞും നിന്ന് മുടി ചീകി ഒതുക്കി സ്കൂൾ ബാഗ് എടുത്ത് തോളിലൂടെ ഇട്ട് ഞാൻ വീട്ടിൽ നിന്നിറങ്ങി,
വീട്ടിൽ നിന്നും നൂറു മീറ്റർ കൈവഴി നടന്നു വേണം മെയിൻ റോഡിലേക്ക് കയറാൻ, മഴ ചെറുതായി പെയ്യുന്നും ഉണ്ട് കുട നിവർത്തി ധൃതിയിൽ ഞാനും നടന്നു കൈവഴി അവസാനിച്ചു.
മെയിൻ റോഡിൽ കയറി കൂട്ടുകാരെ കാത്ത് നിൽക്കുകയായിരുന്നു ഞാൻ പെട്ടന്നായിരുന്നു അതി വേഗം പാഞ്ഞു വന്ന കാർ ചെളി വെള്ളം ദേഹമാസകലം തെറുപ്പിച് കടന്നു പോയത് ഒരു നിമിഷം എന്താണ് ചെയ്യേണ്ടത് എന്നറിയാതെ ഞാൻ കുഴങ്ങി ദേഷ്യവും, സങ്കടവും എല്ലാം ഒരു നിമിഷം വന്നു.
വീട്ടിലേക്ക് വേഗം തിരിഞ്ഞോടി ദേഹമാസകലം ചെളിയിൽ കുളിച്ചു വന്ന എന്നെ നോക്കി എല്ലാവരും ചിരിച്ചു എന്റെ ദേഷ്യം കൂടി, ഉമ്മ സമാധാനിപ്പിച്ചു നീ വേഗം കുളിച്ചു സ്കൂളിൽ പോകാൻ നോക്ക്…സമയം നോക്കി ഒൻപതു മണി ആകാൻ പോകുന്നു , വേഗം കുളിച്ചു പുതിയ വസ്ത്രങ്ങൾ ഒന്നുമില്ല പഴയ ഷർട്ടും പാന്റും ഇട്ട് ഞാൻ അതി വേഗം സ്കൂൾ ലക്ഷ്യമാക്കി ഓടി.

ഇന്നെല്ലാം ശനി ദശ ആണല്ലോ പടച്ചോനെ അവളും കൂട്ടുകാരികളും പോയി, നിരാശയോടെ തിരിയാൻ നേരം എടാ .. കാമുകാ…

ഞാൻ തിരിഞ്ഞു നോക്കി സാം, ഞാനെല്ലാം കാണുന്നുണ്ട് മോനേ…
അവൻ ഒരു കള്ള ചിരിയുമായി ഞാനും ചിരിച്ചു,
നിന്റെ കക്ഷി ഇപ്പോൾ പോയതേ ഉള്ളൂ,
നീ എന്താ താമസിച്ചത്?
അതോ, ഇന്നത്തെ നിർഭാഗ്യ കഥകൾ അവനോട് വിവരിച്ചു ഞങ്ങൾ സ്‌കൂളിലേക്ക് പോയി,
പുതിയ ക്ലാസ് റൂം എന്റെ ചിന്തകൾ അവളിലായിരുന്നു ഒന്ന് കാണാൻ കഴിയാത്ത നിരാശ ഉള്ളിൽ നിറഞ്ഞു.
ഉച്ച വരെയെ ക്ലാസ് ഉണ്ടായിരുന്നുള്ളൂ,

അവളെ ഒന്ന് കാണാൻ ഞാൻ സ്കൂൾ വിട്ട സമയത്ത് രാജമല്ലി ചുവട്ടിൽ പോയി നിന്നു, മല വെള്ള പാച്ചിൽ പോലെ കുട്ടികൾ ഒന്നായി ഒഴുകുകയാണ് റോഡ് മുഴുവനും, ആൾക്കൂട്ടത്തിനിടയിൽ അവളെ കണ്ടെത്താൻ കഴിയാതെ ഞാൻ തിരിഞ്ഞു നടന്നു,
രണ്ടു മാസം ഞാൻ കാത്തു വച്ച ഊർജ്ജം പൂർണമായും എവിടെയോ നഷ്ടപ്പെട്ടു, എങ്ങനെയോ വീട്ടിൽ എത്തി വൈകിട്ടത്തെ കളിയും ഉപേക്ഷിച്ചു റൂമിൽ ഒതുങ്ങി കൂടി.
രണ്ടാം ദിനം രാവിലെ എഴുന്നേറ്റെങ്കിലും ഒരു ഉന്മേഷ കുറവ്, കുറച്ചു നേരം കൂടി മടി പിടിച്ച് കിടന്നു ഉമ്മയുടെ വഴക്ക് കേട്ടാണ് ഉണർന്നത്
പിന്നെ ഒരു യുദ്ധമായിരുന്നു വീണ്ടും അലക്കി തേച്ച യൂണിഫോം എടുത്തിട്ടു നീല പാന്റും, വെള്ള ഷർട്ടും ഇനി ബുധനാഴ്ച മാത്രമാണ് കളർ വസ്ത്രങ്ങൾ ഇടാൻ കഴിയു,