രാജമല്ലി ചോട്ടിൽ നിന്നും 2 [ജ്വാല] 1292

ഷബ്‌നായുടെ കർചീഫ് കൊണ്ട് മുഖം തുടച്ചു, അവളുടെ ഗന്ധം എന്നിലേക്ക് പൂർണമായും ലയിച്ചു ചേർന്നു.

ഗവ :പോളിടെക്നിക് അതിന്റെ മെയിൻ ഗെയ്റ്റിന് മുന്നിൽ നിന്നു ഇനി മൂന്നുവർഷം ഇവിടെയാണ്‌ പ്രണയവും, വിരഹവും ഒക്കെ മനസ്സിന്റെ ഒരു കോണിൽ ഒളിപ്പിച്ചു. പഠിക്കണം, ജോലി നേടണം , ഷബ്‌നായെ വിവാഹം കഴിക്കണം ലക്ഷ്യങ്ങൾ മനസ്സിൽ ഉരുവിട്ട് വലത് കാൽ വച്ചു കോളേജിനുള്ളിലേക്ക് കയറി.

ഡാ…. ഫൈസൂ ഗെയ്റ്റിന്റെ ഇടത് വശത്തുള്ള മരത്തിന്റെ ചുവട്ടിൽ നിന്നൊരു വിളി എന്റെ കണ്ണുകൾ ശബ്ദം കേട്ട ഭാഗത്തേക്ക് തിരിഞ്ഞു നോക്കി എനിക്ക് വിശ്വസിക്കാൻ കഴിഞ്ഞില്ല സാം ഡാ നീയും ഇവിടെ?

പത്താം ക്ലാസ് കഴിഞ്ഞതോട് കൂടി അവൻ സ്കൂൾ മാറി പോയതാണ്,
അവന്റെ പപ്പാ ട്രെയിൻ ലോക്കോ പൈലറ്റ് ആണ്, പപ്പയ്ക്ക് സ്ഥലം മാറ്റം കിട്ടിയതോടെ അവനും സ്കൂൾ വിട്ട് പോകുക ആയിരുന്നു.
എനിക്ക് ആശ്വാസമായി അപരിചിതമായ സ്ഥലത്ത് പഴയ കൂട്ടുകാരനെ കിട്ടിയത് ദാഹിച്ചു വലഞ്ഞവന് ഇത്തിരി വെള്ളം കിട്ടിയത് പോലെ ആയി.

ഡാ മുന്നിൽ നടന്ന എന്നെ പിന്നിൽ നിന്നു വിളിച്ചവൻ,
എന്താടാ എവിടെ നിന്റെ ഒൻപതേ കാൽ?
ഞാൻ ചിരിച്ചു പിന്നെ പറഞ്ഞു, ഞങ്ങളുടെ പ്രണയ ഗീഥകൾ !!!
എന്റെ താമസവും അവനൊപ്പം, ക്ലാസുകൾ ആരംഭിച്ചു ,

ഡൈനാമിക്സ്, തെർമോഡൈനാമിക്സ്, മെറ്റീരിയൽസ് സയൻസ്, സ്ട്രക്ചറൽ അനാലിസിസ്, എന്നൊക്ക വായിൽ കൊള്ളാത്ത പേരുകൾ കെട്ട് തലകറങ്ങി ഇരിക്കുന്ന സമയത്താണ് സാം ഒരു കത്ത് കൊണ്ട് തന്നത്,

മനോഹരമായ ചെറിയ അക്ഷരത്തിൽ എന്റെ പേരും, അഡ്രസ്സും വൃത്തിയായി എഴുതിയിരിക്കുന്നു, മറുപുറം കാലിയായിരുന്നു,
ലൈബ്രറിയുടെ പിന്നിലുള്ള ദേവതാരു മരത്തിന്റെ വേരിൽ ഇരുന്ന് ഞാൻ ആ കത്ത് പൊട്ടിച്ചു,

എന്റെ എത്രയും പ്രീയപ്പെട്ട ഫൈസു എന്ന് തുടങ്ങിയ കത്ത് ഒരു പ്രത്യേക രീതിയിൽ ആയിരുന്നു എഴുതിയത്, പ്രണയ ലേഘനം അല്ല മറിച്ചു അവൾ എന്റെ മടിയിൽ കിടന്ന് പറയുന്നത് പോലെ തോന്നി, ബാപ്പായുടെ, ഇത്തായുടെ, പൂച്ചകുട്ടിയുടെ എന്ന് തുടങ്ങി വിരിയാൻ വെമ്പി നിൽക്കുന്ന റോസാ പൂവിനെപ്പറ്റി വരെ അവളുടെ കത്തിൽ ഉണ്ടായിരുന്നു,
ഓരോരുത്തർക്കും ഓരോ പാരഗ്രാഫ്, കത്ത് എങ്ങനെയാണ് എഴുതേണ്ടത് എന്ന് എന്നെ പഠിപ്പിച്ചു തന്ന ആദ്യ കത്ത്.

ഫൈസു എന്റെ ഉറക്കം ഇപ്പോൾ നിന്നോടൊപ്പം ആണ് നിന്റെ മുത്തുമാല തലയിണയിൽ ചേർത്ത് നിന്റെ ഗന്ധത്തിൽ ഞാൻ അലിഞ്ഞു ചേരും
ഇനി എത്ര കാലം കഴിഞ്ഞാണ് നിന്റെ ഗന്ധം ആസ്വദിക്കാൻ കഴിയുക?
വലിയ ഒരു ചോദ്യ ചിഹ്നം ഇട്ടവൾ കത്ത് അവസാനിപ്പിച്ചു.

ആ കത്ത് വായിച്ചു അവസാനിപ്പിച്ചപ്പോൾ അഗാധമായ ആർദ്രവും വികാരഭരിതവുമായ വാത്സല്യവും എന്റെ മനസ്സിൽ നിറഞ്ഞു തുളുമ്പി…

ഷാഹിന ഇത്തായുടെ കല്യാണത്തിനായിരുന്നു പിന്നെ ഞാനവളെ കാണുന്നത്, രണ്ടാളും മാറി, മാറി കല്യാണത്തിന് ക്ഷണിച്ചു.

കല്യാണത്തിന്റെ അന്ന് രാവിലെ തന്നെ ഞാൻ അവിടെ എത്തി ഷബ്‌നായെ കാണാൻ ഉള്ള തിടുക്കത്തിൽ വീടിന് ഉള്ളിലേക്ക് കയറിയ എന്നെ പുറകിൽ നിന്ന് ആരോ വിളിച്ചു.
നോക്കുമ്പോൾ ഇത്ത ആണ്,
ആഹാ…. മണവാട്ടി ഇവിടെ ഇരുന്ന് ഭക്ഷണം കഴിക്കുവാണോ?
ഡാ, പിന്നെ ടെൻഷൻ കൊണ്ട് കഴിക്കാൻ പറ്റിയില്ലങ്കിലോ?
ഇത്തയുടെ വർത്തമാനം കെട്ട് ഞാൻ പൊട്ടി ചിരിച്ചു.
എവിടെ ഷമ്മു?