രാജമല്ലി ചോട്ടിൽ നിന്നും 2 [ജ്വാല] 1292

അമ്മായിയുടെ മകനാണ് ജിദ്ദയിലെ എല്ലാ ബിസിനസ്സും നിയന്ത്രിക്കുന്നത് അവനാണ്,
ഇക്ക ഞാൻ വണ്ടി എടുത്തു കൊണ്ട് വരാം പാർക്കിങ്ങിൽ നിന്ന് വണ്ടിയുമായി അവൻ എത്തി,
ഫിറോസ് ഫ്‌ളാറ്റിൽ പോകേണ്ട ഹോട്ടലിൽ ഒരു റൂം എടുക്കാം,
എന്താ ഇക്ക എന്ത് പറ്റി?
വല്ലാതെ ടെൻഷൻ മുഖത്ത് കാണാം, ഹേയ്… ഒന്നുമില്ലടാ കുറച്ചു പ്രൈവസി വേണം പിന്നെ രണ്ടു ദിവസമല്ലേ ഞാനിവിടെ ഉള്ളൂ.
ശരി ഇക്ക ഹോളിഡേ ഇന്നിലേക്ക് വണ്ടി തിരിച്ചു,
റൂമിലാക്കി ഫിറോസ് യാത്രയായി നാളത്തെ ഷെഡ്യൂൾ ഒരിക്കൽ കൂടി അവൻ ഓർമിപ്പിച്ചു, പിന്നെ ഞാനിവിടെ ഉള്ള കാര്യം ആരോടും പറയണ്ട ,
ശരി ഇക്ക അവൻ യാത്ര പറഞ്ഞു ഇറങ്ങി. ഫോണെടുത്ത് ഒരു കോഫി ഓർഡർ ചെയ്തു, ഒരു ട്രേയിൽ അടുക്കി വച്ചിരിക്കുന്ന പത്രങ്ങൾ എടുത്തു,
ഓരോ തലക്കെട്ട് വായിച്ച് മലയാളം പത്രത്തിന്റെ തലക്കെട്ട് വായിച്ച് താഴെക്കിടാൻ തുടങ്ങിയ വേളയിൽ മറുഭാഗം വെറുതെ മറിച്ചു നോക്കി എന്റെ ദേഹമാസകലം വിറച്ചു,വാർത്തയിൽ രണ്ടുമൂന്നാവർത്തി നോക്കി കണ്ണുകളിൽ ഇരുട്ട് കയറി, പത്രം കയ്യിൽ നിന്നു താഴെ വീണു, ഒരു സഹായത്തിനായി ചുറ്റുപാടും പരതി, വേച്ച്, വേച്ചു ഞാൻ കട്ടിലിലേക്ക് ഇരുന്നു…

ഫൈസു നിനക്ക് എന്തോരം ഇഷ്ടമാ ഷബ്‌നയെ?
ഈ ഇത്തായ്ക്ക് നാവിനു ലൈസൻസെ ഇല്ല, മോനേ എത്ര കാലമായി നീ കണ്ണ് കൊണ്ട് പ്രണയം പറയുന്നു?
ഇനിയെങ്കിലും ധൈര്യമായി പറഞ്ഞു കൂടെ? ഈ ഇത്തായുടെ ഒരു കാര്യം,
വേഗം നടക്കാൻ തുടങ്ങിയ എന്റെ കൈകളിൽ പിടിച്ചു വലിച്ചു കൊണ്ട് എന്റെ കണ്ണുകളിലേക്ക് സൂക്ഷിച്ചു നോക്കി, ഇത്തയുടെ പൂച്ച കണ്ണുകളിൽ ഒരു കുസൃതി ഞാൻ കണ്ടു.
എന്റെ മുഖം കുനിഞ്ഞു ഷബ്‌നായെ പിടിച്ചു എന്റെ അടുക്കലേക്ക് ചേർത്ത് നിർത്തി, ഇനി പറയ് നിങ്ങളുടെ ഇഷ്ടം,
രണ്ടാളും കണ്ണുകൊണ്ട് കഥകളി കാണിക്കുന്നത് ആരും കണ്ടിട്ടില്ല എന്നാണോ നിങ്ങളുടെ വിചാരം? ഞങ്ങൾക്കിടയിൽ ഇത്തായെപോലെ ഒരാൾ ആവശ്യമായിരുന്നു,
ഞങ്ങൾ രണ്ടാളുടെയും മുഖത്ത് രക്തമയം ഇല്ലായിരുന്നു. കൂടുതൽ “ചമ്മണ്ട “ഇതും പറഞ്ഞു ഇത്ത മുന്നോട്ട് നടന്നു.
ഞാൻ അവളെ നോക്കി,
അവൾ എന്നെയും പിന്നെയും ആദ്യം ആര് തുടങ്ങുമെന്ന ചിന്താഗതി ഞങ്ങളെ രണ്ടാളെയും അലട്ടിയിരുന്നു,
എന്റെ ഒപ്പം മുന്നോട്ട് നടന്നു ഞങ്ങൾ പോലും അറിയാതെ അവളുടെ ചെറിയ വിരൽ എന്റെ
ചെറു വിരലുമായി കൊരുത്തിരുന്നു.
ഞങ്ങൾ പരസ്പരം പറയാതെ തന്നെ ഞങ്ങളുടെ പ്രണയം എത്രയോ അമൂല്യമാണെന്ന് ഞങ്ങൾ തിരിച്ചറിഞ്ഞു,

“അച്ചോടാ “…
മക്കളെ കല്യാണവും കഴിഞ്ഞ് മധുവിധുവും കഴിഞ്ഞ് വരുവാണോ?
ഞങ്ങളുടെ മുട്ടിയുരുമ്മിയുള്ള നടത്തം കണ്ട് ഇത്തായുടെ കമന്റ്,
ഞങ്ങൾക്ക് ബോധം പെട്ടന്നാണുണ്ടായത് പിടഞ്ഞു രണ്ടു സൈഡിലേക്ക് മാറി. ചമ്മിയ ചിരി രണ്ടാളുടെയും മുഖത്തുണ്ടായിരുന്നു.

ആ മരണവും യാത്രയും എല്ലാം എന്റെ പ്രണയത്തിനു ഒരു വഴിത്തിരിവായി,
രണ്ടു കുടുംബങ്ങൾ നല്ല പോലെ അടുത്തു.

ഷബ്‌നായുടെ ബാപ്പ എസ്. ബി. ഐ യിലെ അസിസ്റ്റന്റ് മാനേജർ ആണ്, അവളുടെ ഉമ്മ നേരത്തെ തന്നെ മരിച്ചു പോയിരുന്നു,
ഷാഹിന ഇത്ത ആണ് വീട്ടിലെ എല്ലാ കാര്യങ്ങളും നോക്കുന്നത്. തികഞ്ഞ പക്വമതി.